الاثنين، 12 أبريل، 2010


كنت في تدوينتين(هنا) و (هنا) اعلمت القرّاء على مدى انتشار ظاهرة السرقات الأدبية على انترنات.

من مدّة 10 ايّام اكتشف انّو زوز مواقع جديدة مبليّة بهالو...ة متاع copié-collé .

الموقع الأول :

Startimes2 و "الفليال" متاعو منتدى "koora" بنسخ نص عن احمد ابن ابي الضياف"رسالة في المرأة"

kissa-online.blogspot.com/2007/08/blog-post_13.html

و النسخة المسروقة هنا: forum.kooora.com/f.aspx?t=14071874

و الثاني :

"الهدهد" صحيفة الكترونية تصدر في لندرة ، يبدو من الخرم اللي تسوق فيه ان تمويلاتها سعودية (دين... و ترم... و دعاية للانظمة الدكتاتورية في البلدان العربية...و اثارة...و مواضيع اتفه ما تكون..) الجماعة هاذم ..قالك عندهم مراسلة في تونس اسمها ...صوفية الهمّامي (اعملو بحث على انترنات توه تلقاوها اختصاصية في اللغة الخشبية و خاصة المواضيع اللي تهم ثقافة و سياسة و منجزات "عم الراجل" العظيمة . بجاه سيدي بوكردوغة اقراو هاك الروايع. المراسلة هاذي طلّعت سيستام متاع سرقة breveté تشد النص و تركب فيه (كل 5 او 6 اسطر)بعض الجمل اللي ما عندهم ما يضيفو و تنشر الموضوع بامضاءها.

هاو النسخة الأصلية حول مسرحية "يحيى يعيش"

kissa-online.blogspot.com/

و هاذي النسخة :

/المسرحي-التونسي-الفاضل-الجعايبي-يحاسب-السلطة-في-نص-مشترك-مع-جليلةwww.hdhod.com/

و كيما تراو... كاتبت المشرف ... و كاتبوه بعض الأصدقاء و لكن بدون فائدة.

الواضح ان التافهين و التافهات من ازلام التسلط والقمع و الأستعمار(يلزمكم تقراو زادة اش كتب مولى الصحيفة في 2003 في جريدة الشرق الأوسط السعودية عند احتلال العراق...) و كل العفاطات و الأمغاط و المكيّنين امخاخهم(نساء و رجال) و الشلايك بكل انواعها و جنسياتها اتفقو على محاربة الكلمة الحرّة و صحافة المواطنة...لكن برشة ناس و منهم انا واقفنلهم بالمرصاد....و لن يمرّوا...حتّى بظوافري(هاني متربي و ما قلتش كلمة اخرى)...باش نحاربهم...


Ps : avis destiné aux cretins de la presse jaune(la pouffiasse plagiaire et son boss)(et s’ils ne savent pas lire, traduisez leur … cet avis… svp) :

Maintenant que vous avez terminé d’annonner ce post…degagez..vous empestez le lieu...



تعليق kamel

الكل غاطس في الفوسكوبي: الي يكتب اشعر و الصحافي و المدون.البلاد الّي ما فيهاش حرّيات ،التفاهة تسيطر فيها. و يولّى كل فرطاس عندو ما يقول واحد يسرق مسرحية و واحد نص من مدونة و ذراعك يا علاف.



تعليق غير معرف

يظهرفيك ما ترشفها لاحد.



تعليق kissa-online

الى الغير معرف متاع يوم19/4 الساعة 14:56
انا حذفت تعليقك لان فيه سب لصوفية همامي.انا كيف نعتها بالشلاكة لانها سارقة و موش صحفية و لاني قريت التعاسات المدفوعة الأجر اللي تكتب فيها لكني ما تكلمتش على حياتها الخاصة هي حرة فيها.
مرحبا بك و عاود صيغ تعليق آخر و متسبش.