الاثنين، 24 أكتوبر، 2011






في يوم من أيام ديسمبر 2010 و جانفي 2011 ، في مدن عديدة من تونس ، خرج وائل و محمد ووليد و زياد ومروان و رشاد و غيرهم من ابناء وبنات هذا البلد و عرضوا صدورهم لقوات القمع فمات منهم من مات و بقى منهم الكثير... المبتور الرجل وفاقد عين أو يد...و لم يسعفهم أحد و لا أخذ بيدهم... فيهم من توفي من انعدام العناية الصحية...

كم عددهم ؟.... 300 مائة ...700 مائة ؟ ... 1000 لا أحد يعرف

نحن مدينون بتضحياتهم و قصّرنا في حقهم .... و يجب أن تتكفل الدولة عاجلا بمداواتهم...

هم ...

وائل الڨرافي و محمد بن عمر و وليد الكسراوي و زياد الڨراوي و مروان البوراوي و رشاد العربي

هم حاليا مضربون عن الطعام (بلا ماء و لا سكر)...حياتهم في خطر... مكان الأضراب 42 مكرر نهج باب بنات تونس بمقر جمعية "نواة" .

ثمة أيضا اضراب ثان عن الطعام تقوم به مجموعة من جرحى الثورة في تالة و هم :

كمال عيدودي و علي الرحالي و وليد السائحي و طارق الرطيبي وانور السائحي وكمال بولعابي ومنذر السائحي و ابراهيم بولعابي و محمد السائحي و عثمان الرطيبي

زوروهم ... و ساندوهم



السبت، 22 أكتوبر، 2011


أخي المواطن ما تعطيشي صوتك... للي كانوا راكشين في الخارج

و يحبوا يشريوك بدفع ديونك عند العطار أو بكرضونة موز...

أعطي صوتك للثورة....لقائمات البديل الثوري المدعومة من حزب العمال


الجمعة، 21 أكتوبر، 2011



اعطي صوتك للثورة
اعطي صوتك لقائمات البديل الثوري





سأصوت لقائمة من قائمات البديل الثوري المدعومة من حزب العمال

الدائرة رئيس(ة) القائمة

بن عروس رفيقة الرقيق

تونس 1 منذر الشارني

تونس 2 راضية النصراوي

أريانة محمد الحبيب بالحاج

منوبة حمادي الزغبي

زغوان مصطفى بالحاج يوسف

بنزرت الحبيب الكواش

جندوبة محمد الصالح المناعي

باجة أنيس كاهية

الكاف توفيق اليحياوي

سليانة حطاب البركاتي

نابل1 حمة الماكني

نابل2 سندة مسعود

سوسة سهيل مديمغ

المنستير عبد المؤمن بلعانس

المهدية محمد صيود

القيروان فتحي اللطيف

القصرين كمال المسعودي

سيدي بوزيد لزهر الغربي

قفصة عمار عمروسية

صفاقس شفيق العيادي

قابس حفيظ حفيظ

قبلي الهادي بوعزيز

توزر علي الحبيب

مدنين الحبيب الزموري

تطاوين حنان الفرجاني

القوائم بالخارج

فرنسا عادل ثابت

فرنسا2 سمير حمودة

ألمانيا رؤوف الغالي

إيطاليا رياض زغدان

أمريكا وباقي أوروبا رمزي المسعودي



الثلاثاء، 6 سبتمبر، 2011





هالأيامات كثر اللغط حول موضوع "استفتاء" يطالبوا به البعض ...

تلقى في هالجميعة هاذم : "عياض اللومي" تجمعي و محرك "التآلف الجمهوري" المتكون من 41 حزب تجمعي... هالفاشي كان وعد الشعب التونسي بحمام دم في افريل 2011 ...و "محسن مرزوق" موظف في مؤسسة FREEDOM HOUSE التابعة ل CIA و "نوفل الزيادي" (من الحزب اليساري) و هو اللي نظم انقلاب جمعية الصحافيين في 2009....و فمة حتى مدون سابق، حالل جلغتو على فايس بوك...لاعبها "شالق" و "فاهم كل شيء" و "بوها" و "وليدها" و "مازمبي" كيما يقول هو، يفتي و يحلل و يعاود في نفس الكلام اللي يقولوا فيه "اللومي"... و باعث القناة اللي البارح يسبح بحمد سيدو بن علي و اللي من 5 اشهر حالل حملة على الأحزاب...

قالك يا سيدي "يلزم استفتاء لان الشعب التونسي ما يحبش يعطي شاك ابيض للمجلس التأسيسي"

يا خي انتم تدبرو على امّو الشعب يعطي و الا لا "كارت بلانش" للمجلس التأسيسي؟ تعتبروا انفسكم اوصياء عليه؟ هاكم كلكم "براسك" كنتو من ازلام بن علي و اكبر سند لدولة الأستبداد...جايين اليوم تطالبوا باستفتاء؟

ما نيش باش نقوللكم براوا اقراوا "مونتسكيو" و "روسو" و "كاري دي مالبرغ"...لان الأغلبية متاعكم عقوبة الله...

يزيوا من استغفال الناس...المجلس التأسيسي مطلب شعبي من يوم 14 جانفي 2011( و حتى من قبل اذا اعتبرنا ادبيات حزب العمال من 1992 و حزب المؤتمر بعد2005)... ثبتو مليح في التصاور...

شكونكم حتى تحددوا الصلوحيات متاع المجلس؟...هو السلطة الأصلية... نعم الأصلية... و اللي يقول كلام مغاير... فاشي و يحب يرجع بينا التالي...

بربي فهموني... ياخي الشعب اللي باش تعملوا به استفتاء باش تجيبوه من بوركينه فاسو و الا من جزر السيشال؟...

و الا على خاطر حسيتو انكم باش تطلعلكم قرعة ؟ و باش ما يقعد لكم كان صبع القابلة ؟

هالفصائل المقلّبة موش قابلين فكرة ان لا ديمقراطية بدون الاحزاب و الجمعيات( و بالأخص باعث القناة و هاك المكين طارق المكي)...

نهار اللي الشعب باش يعطي ثيقتو في ناس معينين...توه تضربولو على الطيارة...اعملوا مظاهرة قدام الكوبول ...

و اذا المجلس المنتخب من طرف الشعب التونسي دورها ملكية... توه ننصبولكم ملك...

و توّه تتعرضولنا...