الثلاثاء، 6 سبتمبر، 2011





هالأيامات كثر اللغط حول موضوع "استفتاء" يطالبوا به البعض ...

تلقى في هالجميعة هاذم : "عياض اللومي" تجمعي و محرك "التآلف الجمهوري" المتكون من 41 حزب تجمعي... هالفاشي كان وعد الشعب التونسي بحمام دم في افريل 2011 ...و "محسن مرزوق" موظف في مؤسسة FREEDOM HOUSE التابعة ل CIA و "نوفل الزيادي" (من الحزب اليساري) و هو اللي نظم انقلاب جمعية الصحافيين في 2009....و فمة حتى مدون سابق، حالل جلغتو على فايس بوك...لاعبها "شالق" و "فاهم كل شيء" و "بوها" و "وليدها" و "مازمبي" كيما يقول هو، يفتي و يحلل و يعاود في نفس الكلام اللي يقولوا فيه "اللومي"... و باعث القناة اللي البارح يسبح بحمد سيدو بن علي و اللي من 5 اشهر حالل حملة على الأحزاب...

قالك يا سيدي "يلزم استفتاء لان الشعب التونسي ما يحبش يعطي شاك ابيض للمجلس التأسيسي"

يا خي انتم تدبرو على امّو الشعب يعطي و الا لا "كارت بلانش" للمجلس التأسيسي؟ تعتبروا انفسكم اوصياء عليه؟ هاكم كلكم "براسك" كنتو من ازلام بن علي و اكبر سند لدولة الأستبداد...جايين اليوم تطالبوا باستفتاء؟

ما نيش باش نقوللكم براوا اقراوا "مونتسكيو" و "روسو" و "كاري دي مالبرغ"...لان الأغلبية متاعكم عقوبة الله...

يزيوا من استغفال الناس...المجلس التأسيسي مطلب شعبي من يوم 14 جانفي 2011( و حتى من قبل اذا اعتبرنا ادبيات حزب العمال من 1992 و حزب المؤتمر بعد2005)... ثبتو مليح في التصاور...

شكونكم حتى تحددوا الصلوحيات متاع المجلس؟...هو السلطة الأصلية... نعم الأصلية... و اللي يقول كلام مغاير... فاشي و يحب يرجع بينا التالي...

بربي فهموني... ياخي الشعب اللي باش تعملوا به استفتاء باش تجيبوه من بوركينه فاسو و الا من جزر السيشال؟...

و الا على خاطر حسيتو انكم باش تطلعلكم قرعة ؟ و باش ما يقعد لكم كان صبع القابلة ؟

هالفصائل المقلّبة موش قابلين فكرة ان لا ديمقراطية بدون الاحزاب و الجمعيات( و بالأخص باعث القناة و هاك المكين طارق المكي)...

نهار اللي الشعب باش يعطي ثيقتو في ناس معينين...توه تضربولو على الطيارة...اعملوا مظاهرة قدام الكوبول ...

و اذا المجلس المنتخب من طرف الشعب التونسي دورها ملكية... توه ننصبولكم ملك...

و توّه تتعرضولنا...



تعليق غير معرف

les islamistes et les americains se sont rencontré depuis un moment avec tous l'effort fourni par monsieur radwan masmoudi et ils ont décidé avec les quatari que vaux mieux les islamistes que les communistes ,alors le peuple qui va voter pour eux peut leur donner carte blanche comme ça pour la constituante on aura des prince du golf et des militaire usa qui vont décider pour notre avenir ,quel révolution on aura la même liberté qui existe en irak c'est bien ,tant que nous maitre américains et nous gardiens de religion sont content tous va bien (pauvre de toi mon pays).



تعليق فوزي

صحيح ما تقوله. اغلب من ينادون بالأستفتاء هم اما تجمعيون و اما من التيارات التي لا حظوظ لها في ان تقتلع مقعدا في المجلس



تعليق غير معرف

Rousseau j'ai compris ,c'est qui les deux autres que tu cite



تعليق kissa-online

@anonyme
il s'agit de Montesquieu l'un des penseurs les plus importants du 18 ieme siecle il etait aussi philosophe et ecrivain ,on lui doit "les lettres persanes" et "l'esprit des lois"
pour le second Carré de Malberg est un grand theoricien français du droit constitutionnel



لكل داء دواء يستطب به
إلا الحماقه اعيت من يداويها