الثلاثاء، 13 أبريل 2010



يا جماعة " tunisia-sat.com" يا جبورة... اتنجموش تقولولي من فين جاب المغط اللي مسمي روحو hammadik النصّ هذا حول مسرحية "آخر ساعة" اللي نشرتوه في 5 فيفري2010...ياخي شنوه حكّ باش "كتبو"... تر...و :

يعلم الموت بطلة المسرحية "نجمة" أنه قادم بعد ساعة. لم يبق لها إلا ستون دقيقة..... تصبح"نجمة" في حالة هذيان... تسترجع ماضيها بشخوصه : أبوها المتوفى، حبيبها الذي غادرها بعد مرض عضال... وتجهّز نفسها للحظة الوداع و تسترجع آلامها و كلّ معارك حياتها و لا تهدأ ثانية واحدة عن المطالبة بأن يستمرّ بقائها في الدنيا لأنها لم تكمل بعد ما هي عازمة القيام به

www.tunisia-sat.com/vb/showthread.php?t=1024477

و انتوما علاش عليكم تكتبو في المسرح...هوكا عندكم الكورة و المسلسلات...و الكروتات و الكودات متاع الساتيليت و تقشقيش الأحناك... و الفتاوي...و recettes الماكلة المضرحين...

و الا... وقتلّي يا بهايم...يا جبورة تاخذو نصوص متاع غيركم اعلمو القرّاء...و "حمّاديك" متاعكم حقوا البسودو متاعو ...ساريق....



تعليق kamel

يا قصة اون لاين يقوى عليك ربي
ما تخافش يوليو شادينلك بونتو؟



تعليق غير معرف

"...هوكا عندكم الكورة و المسلسلات...و الكروتات و الكودات متاع الساتيليت و تقشقيش الأحناك... و الفتاوي...و recettes الماكلة المضرحين..."



hhhhhhhhhhh bravo dans le mille !!!



تعليق البرباش

مع تونيزيا سات ما عندك وين توصل راهو... أنا واحد م الناس تدويناتي اتسرقت و اتحطت غادي، ما نقولش حرفيا لكنو العضو
anacondas
يجيب من مدونتي و يحط و عامل سلسلة كاملة مسميها يوميات سي المهف... اتنجم تشوف الروابط هنا و هنا و هنا و هنا، توة التصاور يقول القايل ش علينا تي انا بيدي نلقط فيهم من هنا و هناك و يرحم عمي الڤوڤل قال الراجل، اما حتى م الحكايات و بعض العبارات المقتطفة حرفيا بيدهم متاع مدونتي و زيد كاتب اسمو ع التصاور ههههه (كان موش تاريخ النشر للأرتيكلوات متاعي سابق كنت نولي انا اللي سارقهملو)، و حتى كيف شكيتلهم السادة المشرفين الأفاضل ما خسروا عليّ كان أنو السيد عمل مجرد اقتباس... و الأكثر من ذلك أنو ثمة شكون حطلو كومنتارات (حتى انا حطيت) يطالبوه بذكر المصدر و الكومنتارات تم حذفهم بطبيعة الحال...

و شوف من بعد السيد أناكونداس يجي في منتدى آخر و شنوة يحكي هههه

التدوين وما ادراك ما التدوين
خير وشر فهناك من الاشخاص ولعلّ اصح ان اطلقنا عليهم اسم مدونين مثقفين اتخذوا مكانهم الخاص في الشبكة العنكبوتية ليطلقوا العنان لكتاباتهم فتجدها تتراوح بين الجدّية احيانا بالتطرق لقضايا هامة ترقى بالفكر واحيانا يوميات هزلية مدعمة بصور (كماهو حال سي المهف بتونيزياسات) ليصوروا ويتحدثوا عن بعض المقتطفات من الحياة الاجتماعية في بلدهم بهدف نقدها ومحاولة اصلاحها...


الصبر و بره هذاكة العبد ش ينجم يقول، و إن لم تستحي فافعل ما شئت.



تعليق kissa-online

اهلا برباش
موش موافق يا برباش...لو تطلعلي الكلبة بنت الكلب...الا ما نمرمدهم...بكل الوسائل اللي عندي القانوني و الغير قانوني...و اعيد و امضي حتى... الغير قانوني
يلزم يفهمو سرّاق جهد الأخرين ...انّو لا يمكن اننا نسكت عليهم...



تعليق kissa-online

@كمال
يشدولي بونتو؟...حقك قلت : يشدّو....
في الجدال هذا هوما الخاسرين الفوروم راهو بزنس كبير...و كانك عليّا...اش نجي فوق السطح...مستعد نكتب نص و الا زوز في موضوع تونيزياسات حتى لين نشوفو شكون يمل...