الثلاثاء، 20 أبريل 2010


المدوّن المتصهين اللي يفتخر بكرهو لجميع انواع المقاومات في العالم و الشغف متاعو باحتلال العراق و فلسطين و افغانستان و اللي لقّبتو عمناول "حلبودة" و اللي نعتبرو شخصيّا واحد من ابواق الدعاية (مع سهيل و "كرنبة" و غيرهم...) الأسرائيلية و الأستعمار الجديد في مجال الأنترنات التونسي، يظهر فيه تلقّى تعليمات باش يرجع يقوم بحملة دعائية ضد كل من يقاوم المحتلّين في بلادو.

اسمعو مليح يا قرّاء... قاللكم حلبودة ...راهو ما فمّاش مقاومة وطنية ضد الأحتلال في العراق..." راهم اربعة مفرخة سلافيين ارهابيين يقتلو في العراقيين..."...و زاد اعلمكم انو وقعت انتخابات ... يا عيني على الأنتخابات تحت الأحتلال الأجنبي( من جهة العساكر الأمريكان و من الجهة الأخرى العصابات الطائفية متاع طهران..) يا حلبودة...اش قولك تنزعنا و... تمشي تن...

انتي تحكي على تونس... لو كان ياقعلها اللطف مكروه جاي من البرّه...الا ما نلقاوك على ظهر دبّابة داخل مع المحتلّين...لأنك تعشق الأحتلال و المحتلّيبن و تطبّل ليلا نهارا لجميع أنواع الأستعمار و النهب.

المقاومة العراقية(موش الأربعة ڨعامر الكبّار الأنتحاريين) وحزب الله و حماس و و طلبان اللي مشاريعهم قروسطية و موش حداثية(طلّعتها وحدك... و الا قالوهالك..) يظهر فيهم كلاو و شربو على قلبك... لانهم يعطيو في السطاكة كل يوم لأسيادك المحتلّين...هوما على الأقل بكل رجعيتهم يدافعو على بلدانهم كيما سبق للكاتوليك في فرنسا و ايطاليا حاربو النازية و البوذيين في فيتنام قاومو الأمريكان و المسلمين حاربو المحتلين الروس في افغانستان ...

برّه سيب عليك من الكلام في السياسة و امشي متّن ثقافتك اليونتارية... اقرى شويةtheophile lindsey william channing,theodore parker, james adams ... باش حتّى كيف تحكي في الدين... و تجاهد في سبيل الربّ يسوع...تلقى ما تقول في صراعك مع السلفيين.

انا ماك وليت تعرفني...تعبد عامود و الا ڨردة ما يهمنيش...انت حرّ في اختياراتك العقائدية ... امّا ما تجيش تكركرها على ز... و تحب توهمنا انك من مناضلي الحرّية و التقدّم...انت الحرّية الوحيدة اللي تعرفها هي حرّية الذئب الأسرائيلي او الأمريكي الحرّ في المدجنة الحرّة ...السلفيّة تصنّع في الأرهاب و انت تصنّع في القوادة للاجنبي راهو المرّه الجاية مانيش باش نوسع بالي اكثر ...

Ps pour Halbouda : Et maintenant que tu as lu ce post…Degages



تعليق kissa-online

@lamjed
حذفت تعليقك لانّو فيه قذف.عقيدةحلبودة ما تهمنيش...اما تبلعيطو يهمني...انا اغلب الناس تعرفني قريملّه...ام هو داخلها لا ديني و هو يكذب...
عاود تعليق آخر و مرحب بيك



تعليق غير معرف

comment êtes vous si sure qu'il n'est pas simplement athée, mais qu'il a d'autre moteurs à part ses intimes convictions!!!
nawwrouna brabbi



تعليق tounsi66

جدودنا قالو ما يعقد في الواد كان حجرو
أنا أتابع بجدية هذه الظاهرة التي تؤكد أن هذه الشرذمة المعادية لتطلعات الشعوب المقهورة تعاني من أزمات نفسية متتابعة نتيجة سقوط شعاراتها البراقة في المستنقع ونتيجة افلاسها الفكري المدوي .
فالاصطفاف الى جانب مصاصي الدماء خيارهم النهائي قبل الأفول



تعليق kissa-online

@revolutiontunisie
que ton interlocutaire soit athée ou pas n'a aucune espece d'importance c'est son droit le plus absolu.ce qui me choque dans ce qu'ecrit ce type c'est son cynisme quand il parle de ceux qui souffrent du fait de l'occupation(palestine ,irak afghanistan)il tient a faire passer l'occupation de ces pays pour un bienfait.l'an dernier,rappelez vous ce qu'il a dit des evenements de gafsa et gaza.



تعليق lamjed

باهي هاني ما نيش باش نسبّو.انت يا قصة ماكش حابب تقولنّا شنوة شادد عليه.تقطر علينا بالقطرة.انا فهمت الّي حلبودةماهوش لاديني و يكركر فيها علينا. يطلعش متنصّر؟ انت ورّيت هاك المهار سيت متاع اتحاد الدولي للمتنصرين؟



تعليق غير معرف

bara ki yadher rajel enssen athé w ba3d
enti ya 9essa jey contre sayed 5atrou mol7ed 3lech tetlawa w t9oul elli enti mayhemeckch ida ken athé mais houwa 3andou ness t7arek fih fi machrou3 tanssiri !!! ena ritlou barcha articles inta9ad fihom el massi7iya !!!
mel a5er enti matnajemch ta9bel enssen athé ycharkek nafss el bled
3aber b kol 7oriya ya sadi9i
3lech mkassrelna roussna b dossiet chedhom 3lih
ena bekri fi beli enti ennssen intello w ta9bel l'autre mais domage



تعليق kissa-online

@anonyme
خسارة اللي انت طلعت غالط فيّ...خيّبت ضنّك...انا راهو عمري ما قلت اللي انا intello على خاطر ما نجمش نكون انتلو لاني ميكانسيان...نتحدّاك يا غير معرف اذا تلقى كلمة وحدة في كتاباتي نقول فيها اللي انا ماتيش قابل ان يكون حلبودة "آتي" و الا نصراني او من عبدة "مانيتو"هذا الكل ما يهمو كان هو.
اما انو يبث في فكر الأستعمار و اسرائيل و لاعب فيها"لا ديني" و هو غير ذلك .هذا يتسمى "قحب".و يتحمّل تبعاتو.و كان تعرف شنوه دينو اسألو انت.انانعرف و مانيش وصي على ضمائر الناس.
براس الشايب و الوالدةعود اكتب كي لعباد الكل .عربي و الا فرانسي او انقليزي و الا حتى طليان س م س لا.



تعليق غير معرف

اش بيك شادد كان في حلبودة.ياخي كان هو يمجد في اليهود؟



تعليق kissa-online

@الغير معرف
القضيٌة ليست قضيٌة معتقدات و لا يهود و من يمجدهم و لا بوذيين و لاعبٌاد سلاحف او اوثان. انا لا ولاية لي على معتقدات الناس و لا حتى ان لا تكون لهم معتقدات.هذا امر يهمهم.هذه ليست حرب دينية.و حلبودة له كل الحق ان يكون نصرانيا.
انا مشكلتي مع أناس يطبلون صباحا مساء للقتلة الصهاينة و للقمع وللنهٌابين و الأستعمار.