الجمعة، 6 مايو، 2011






بعد مسيرات الأمس هبطنا اليوم الآلاف إلى الشارع في ڨفصة و سليانة و بنزرت و القيروان و ڨابس و جربة و زغوان و سوسة و صفاقس و تونس العاصمة باش نعبروا عن رأينا في حكومة السبسي و كمال اللطيف و بقية عصابة السرّاق اللي ما زالت تحكم في تونس و في اللي يحمي فيهم في داخل تونس و خارجها ...خرجنا عزّل لا عصي في يدينا و لا كوكتال مولوتوف... قوتنا شعاراتنا "الشعب يريد ...ثورة جديدة " "الشعب يريد إسقاط النظام" "الشعب يريد إسقاط التجمع" "يا سبسي يا جبان الشعب التونسي لا يهان"....و إيماننا أن ثورتنا ما زالت لان الدكتاتورية ما زالت في مكانها بالرغم من هروب الدكتاتور.

كل المسيرات مشات على ما يرام إلا في تونس العاصمة اللي شهدت من الساعة الواحدة و النصف هجوم بوليسي على المتظاهرين... من أشرس ما شفت في حياتي...لاكريموجان و هراوات و قضبان حديد... هالهجوم تضربوا فيه المواطنين التوانسة بمختلف أعمارهم بطريقة وحشية ... خمسة و ستة و مرات عشرة من كلاب الدم على راجل يفوت السبعين سنة أو شاب ما يفوتش العشرين عام تلاقاو عليه 4 أعوان في أعلى درجة من دروج المسرح البلدي...زيد اعطاوهم تعليمات... من شهر... أن يفشخو أي واحد يحمل كميرا أو آلة تصوير...

الشرطة(؟) كانت حاضرة من الساعة الثامنة صباحا بحشود كبيرة و مختبئة في الشوارع الجانبية...علاش؟

الأعوان(؟) بالزي كان اغلبهم يلبسوا بزّة فرق التدخل و فرق الحرس الوطني...

عدد غفير من الأعوان(؟) يلبسوا بزة زرقاء بدون إشارة و ملثمين ...اقصر واحد فيهم طولو 180 سم... من هم؟...هل ينتميوا للشرطة؟ إذا كانت الإجابة لا... من هم؟... إلى إي جهاز تابعين ؟...

شكون اعد الكمين الدموي متاع اليوم؟...

ايّا مبروك عليكم انتحاركم...



تعليق غير معرف

pourquoi vous croiez ce rajhi a dit .peut être que lui aussi il essaie d'avoir votre confience pour des fin politique?



تعليق kissa-online

mais ou avez vous lu que je parlaisde mr rajhi? nous manifestons depuis des jours pour que le gouvernement illigitime de BCE tombe... car imposé par des decideurs issus tous du regime ben ali...parceque les meurtriers de nos soeurs,freres,voisins,cousins sillonnent les rues en toute impunite...car le gouvernement de BCE arrete torture,monte des proces bidons...parceque les escrocs qui ont pillé le pays ont toujours pignon sur rue...c'est pour ça que nous manifestons...dernier point ma confiance je l'accorderai à des gens qui le meritent et surtout pas aux escrocs et aux projets moyen-ageux