الاثنين، 22 مارس، 2010


كنت في تدوينة سابقة (هنا ) حكيت على تفاهة بعض المخلوقات التي تسمح لانفسها سرقة مجهود الغير(قصّة، مسرحية،تدوينة،مقال صحفي،قصيدة) و تنسبو ليها و الا تنتحل صيفتك في الفورمات أو صفحات الفاسبوك. اكتشفت مثلا منذ يومين في صفحة " دالي النهدي" على "المور" يوم 23.3.2010 http://www.facebook.com/group.php?v=wall&ref=search&gid=58159068293 أن اسمي هو "روفا الحمروني" اللي قال :

Roufa Hamrouni je suis un jeune tunisien qui aime le théatre :http://www.kissa-online.blogspot.com/

راسلت "فايسبوك" و فسخوا المراسلة. يا رؤوف علاش الكذب!!! و زيد حاطت تصويرتك.يا خي فايّاس للحد هاذا؟؟؟ برّه للبسي داوي!!!

يوم السبت 20مارس طحت بفوروم جامعي من مدينة "جلفة" بالجزائر صهينلي على نص كتبت على تاريخ الطباعة في البلدان العربية في 30.11.2009 (هنا ) . راسلت المشرف على الفوروم لكن السيّد طفّاني :

يا قرّاء، و خاصة الأصدقاء الجزائريين اللي يقراو مدوّنتي ، راهو العضو اللي سمّى نفسو "الصقر الشمالي"(هو اصلا دجاجة) المنتمي الى "منتديات الجلفة لكل الجزائريين و العرب"سارق... و تافه... و هذا دليلي :

http://www.djelfa.info/vb/showthread.php?t=218198

و بالنسبة للعفّاط اللي يسيّر في هالفوروم المننّح(اللي هو متاع جامعات)... انصحوا ذا كان استاذ... يمشي يخدم خدمة اخرى ...الترابندو مثلا...لانّو ظهر اختصاصي في البضائع المهرّبة...

خلاصة القول ...دافعوا على حقوقكم...و ما تخلّيوش أي واحد مكيّن... زكرة...يفكّلكم حقوقكم الأدبيّة...



تعليق غير معرف

ما اطيحك بيهم يا قصّة!!!