الثلاثاء، 22 مارس، 2011


كنت في تدوينة سابقة تحدثت على القناة التلفزية "نسمة" و شكّكت في مواقفها...الا أن عينيّا تفتحت عندما ذكرتنا مدام كلينتن بنضالية هذه القناة...و مدى فضلها على جميع التونسيين حيث فجّرت النضال من أجل الحرّيات قبل كل الناس بينما كنّا كل التونسيين نائمين...

هذا الفضل لن تنساه الأجيال مدى الدهر...و أنا من موقعي البسيط كمدون أقترح أن ننصب في كل مدينة تونسيّة في أكبر ساحة تمثال لأصحاب قناة "نسمة" الأخوة القروي و سلفيو برلسكوني و طارق بن عمار و نكتبوا على النصب بالفرنسيةLa Patrie reconnaissante …

البارح "نسمة" عاودت و بطلب ملحّ من الجماهير، بثت حصّة يوم 30 ديسمبر 2010 اللي على أثرها هبت كل جماهير عاري و لابس تتظاهر في كل القرى و المدن... للإطاحة بالنظام البائد... و أنا متأكد أن شعار "يسقط حزب الدستور...يسقط جلاد الشعب" موش متاع البوكت(يزّوا من الكذب...راكم عملتوا العار) و لكن متاع قناة "نسمة"...

و البارح في الليل بعد البث سمعت أولاد الحومة خرجوا للشارع و بدئوا يرفعوا في الشعارات ...و قرروا باش تبعث لجنة حماية الثورة متاع حومتنا برقية ولاء و تأييد لمجلس إدارة قناة "نسمة" لهذه المبادرة الكبيرة... التي تذكر فتشكر...

Donc إذن الجماعة اللي في قلبهم مرض و الحاقدين و الحاسدين شدّوا حدّكم و كفّوا عن التنبير....و أنا "قصّة اون لاين" أعلن عن توبتي... mea culpa ...المرة المقبلة عندما يجي واحد يقترح عليا صورة طارق بن عمار مع بن علي أو الروابط التالية :

http://tempsreel.nouvelobs.com/actualite/societe/20110107.AFP9038/la-france-dans-l-embarras-face-aux-troubles-en-tunisie-et-algerie.html

أو

http://www.facebook.com/video/video.php?v=1874678383648&oid=136483796421298&comments

نبعثوا يقضي...juré…craché



تعليق Don Dali

j'ai vais pas dire beaucoup de mots...Juste Yar7em fomek...



تعليق EL FAN

حتى أنا خلطوني ... الله يهدي إلي كان السبب
وأنا زادة نحب نعتذر من هالقناة الثورية p:
عاشت نسمة و عاش أماليها في سعادة وهنا



تعليق naddou

الله يتولّاك قتلتني بالضحك!!



تعليق Libre Gamin

افرحوا يا جماعة ! نسمة هي إلّي عملت القفزة الإعلامية في تونس ! يعني حلقة 30 ديسمبر أش جا بعدها ؟ بن علي طاح يوم 31 ديسمبر ؟ كلّ واحد يتفهّم الضغوطات على الصحفيين التونسيين وعلى أصحاب الحوانيت الإعلامية ! أما إدّعاء البطولات في غير محلّها (القروي قال جات تعليمات باش عملنا البرنامج موش من راسو عملو) خروج عن الموضوع ! وربّي يخلّي سي فتحي الهويدي أحد أبطال الصنصرة في تاريخ الصحافة التونسية



تعليق Libre Gamin

نريد أن نذكر قناة نقمة أننا نحن شباب تونس من قام بهذه الثورة التاريخية في الوقت الذي كنتم بالأمس الغير بعيد تتغنون "بيا زين يا بو تونس لحنين" في ذلك الكليب البنفسجي الذي شاهده جل التونسيون.
وأنتم الآن ومنذ سقوط النظام تنصبون المنبر تلو الآخر لتحاولوا أن تقسموا كعكة الحكم، وتفرضون رأيكم في من يجب أن يحكم ومن لا، هذه ثورة كل التونسيين وكل تونسي يجب أن يكون ممثلاً فيها، لا لإقصاء أي جهة أو أي تيار التيار الإسلامي الذي في كل مرة لا بد أن تظهروا خوفكم من تواجده في الحكومة!!، فالإسلامي شارك في هذه الثورة، واليساري شارك في هذه الثورة والليبرالي شارك في هذه الثورة نريدها مصالحة وطنية بين كل الأطراف كفانا إقصاءً وكفانا قمعاً، لنبني وطناً يتسع لكل التونسيين.