ايه اش قولك تمشي...انت و اسماعيل هنية

فمّه وحده مكيّنة، امنيتها في الحياة هي زيارة اسرائيل(هنا)، حلّت البارح خندقها و تقرّعت نص تتشم ريحتو من سطوكهولم.

هالعفاطة( نعم مؤنث عفاط موجود) بعثت جواب لاسماعيل هنية تسمع فيه في الكلام. شيء كبير يا جماعة !

بالعمل حسيت بالردّان. توّه واحد كيف يقرى حاجة تحفونة يحس بمتعة النقشات اللي قاعد يقرى فيهم. امّا البارح حاجه اخرى. لاعمري قريت عقّار كيما هذاكا.

قالك، و العهدة على من روى، انّو تزيبي ( ياخي بوها اش بيه ضاقت عليه الأسامي ) ليفني وزيرة الخارجية كيف جابولها نص التدوينة لعبت عليها الدوخة و جرات دمعتها كيف قرات هاك الكلام المعبّر( اسم مفعول من عبّر أي حوّله الى العبريّة) هاو نلخصلكم بعض الفقرات :

اسرائيل " تتصرّف كدولة مسؤولة قايمة بواجبها و تحمي في مواطنيها"

المسؤول على الحرب هاذي حماس و كل من ناصرها ( تقصد الشعبية ،الديمقراطية، الفصائل الوطنية الفتحاوية...)

هنية و سكان غزّة يلعبو في دور الضحية

الوحيدين اللي يساندو هوما جماهير ...جاهلة و امّية (لانّو كاتبة النص متحصلة على دكتورا في الخرمولوجيا

من جامعة "بن غوريون" بنتساريم).

اللي فات هال الكمنترو هو انو امثالها استنسنا بيهم من مدة : هوما اللي يكسروا الأضرابات في تونس و في الفلبين

و في الهوندراس و يصبو بيك للذبابنية و يعطيو مشروعية لكل المستبدين : شعارهم لا تقاوم( البو و الزوج و الحاكم

و اسرائيل و امريكا و الباي و فرنسا و التابوهات و الدين و شركة فسفاط قفصة...)

لذلك تفطنت كل اجهزة القمع و خاصة الأجنبية منها و نفخت فيهم الروح. عمرك ما تسمعهم يقولو كلمة على احتلال

افغانستان ( خاصة انو حتى بهيم منهم ماهو فاهم علاش هالبلاد القاحلة اللي عايشه في القرون الوسطى تمثل منطقة

استراجية لعبور بترول ال50 سنة الجايين للولايات المتحدة) ما تسمع كان كلمة "طلبان".

عمروش واحد منكم سمع واحد من هالجلامد( جمع جلمود) يحكي على نهب خيرات العراق النفطية من طرف شركة

هاليبورطون؟ و الا سرقة مخزونات متحف بغداد؟ ما تسمع كان " القاعدة". و الا قالو حتى كلمة في حق الشيشان؟

و فلسطين ... هاكم قريتو البارح ادبيات مراسلة جريدة "يدعوت احرنوت" بتونس تعزر في البولحية هنية.

شوفو فمّاش فرق مع الكلام اللي يقول فيه الرهبان الكبير متاعهم Daniel Pipes (هنا).

و اللي يزيدك غم انّو الكوازي هاذم يقدّمو في نفسهم علمانيين. اوه على بابا و رقدتو ! وين كونتو؟ منين جيتو؟

ياخي زيادة على كذبة : اسرائيل هي الضحية و سكّان غزة هوما المعتدين

تحبو توهمو القراءاللي العلمانيين من Rousseauونتي جاي، كانو طابور خامس متاع جيوش الأحتلال في العالم

كيفكم انتوما ؟. كانش اذا كانو من اللبيراليين اللي يموتو في حب امريكا و اسرائيل و جنّدوا ارواحهم للدفاع

عن النهّابة و السرّاق .

يا قراء راهم يكذبو عليكم : هاو باش نذكرلكم ببعض العلمانيين(بكوارطهم و موش بوضروح ليبيراليين

Made in usa) اللي شاركو في الصف الأمامي في الصراعات الأجتماعية و ناصروا نضالات الشعوب ( هذية حويره نعرفهم و الأكيد ان الأصدقاء القراء توه يتفكرو غيرهم ) و مانيش نحكي على ملايين العلمانيين اللي ماكانوش متنظمين في جمعيات علماتية :

القرن التاسع عشر harriet billing (النضال ضد العبودية و تحرير السود الأمركيين) cleyre voltairine de (مناضلة نسوية دافعت عن حق النساء في التصويت و المساوات في الأجور )

القرن العشرين nicola sacco/bartolomeo vanzetti (مناضلين نقابيين اعدموا بعد محاكمة جائرة)

Francesco ferrer احد زعماء المقاومة المسلّحة ضد فرانكو في 1936 و كان "انرشيست"

اما مناضلو la libre pensee فقد حصل لهم شرف مساندة حركة التحرير الجزائرية و شنعوا بانقلاب بينوشي

أي نزيدكم و الا يزي. ... du vent... allez …oust بديتو تنف...ي.

فينلمان اسماعيل هنية البولحيه الخوانجي ماهوش بايع روحو لاولاد عمكم صهيون. هو حاليا اقل خطر منكم.

و اذا تليحّو... كمّلو الحقوه بالقايمة... و روحو...انتوما و اسماعيل هنية. "كلارو" ! يقول السبنيوري !

ماهو في تدوينة سابقة (هنا) اقترحت على واحد من اذناب جماعة القحب المريش متاع اسرائيل انو يعمل كونكور

هو و واحد مكين لحيتو ميترو في مادة "ابن كثير" او "هوتنغطن". هاو ما سمعش كلامي و نادى لصوت غبيّ

ينز حقد على نضالات الشعوب( ما تحبوهاش الكلمة هاذي). هاو عندي مقترح اخر : من اليوم اكذبو قد ما يحبّو

اسيادكم و انا نوعدكم بزوز و الا حتى ثلاثة و الا اربعة نصوص في اليوم. يسلّم قرايتي... و زيد على ذلك...راني فاضي شغل... ما نخدم كان 10 ساعات في الأسبوع... !