الأربعاء، 14 يناير، 2009


في تعليق على تدوينتي حول بوق الدعاية BHL كتب قارئ (أمضى تعليقه باسمTAXE )( هنا ) ان هالزفت صرّح في حصّة تلفزيونية فرنسية انو الجيش الصهيوني ، جيش عالي الأخلاق و هو الوحيد في العالم اللي قبل ما يهجم على حي أو حومة يطلب من أهاليها بالتليفون باش يعلمهم بوجوب إخلاء المكان.

معناها حاجة اينوجيدابل في المدنية و التحضّر !!!!

و تقولولي يا قصة اون لاين ما عادش تقول الكلام الزايد !

توه على شكون يجد هال...؟ كانش على هاك المغبون اللي يحكي أن الاعتداء على غزّة... مجرد هجوم

و انو صهيون دولة تدافع على مواطنيها

و ماخذة خاطر في المغبون المومى اليه اعلاه و في الأخرى اللي تحلم باش تمشي تزور كرياط شمونة. تصورت هالسكاتش بمواصفات تقطيع فني متاع سيناريو :

المشهد داخلي/ نهاري

غرفة في دار في حي الزيتون في غزّة.اصوات انفجارات. يرن التلفون و يعاود. ام علي تجي تجري من باب على اليمين

تشدّ سمّاعة التلفون. "لقطة متوسطة" الى "قريبة من الصدر" وقتللي تتكلم "أم علي" و يسمع off صوت المخاطب.

- الو، صباح الخير أم علي، شو حال علي و أبو علي... هنا "miss Khamas" افيتال ليبوفيتش... المتحدثة باسم جيش إسرائيل...

- الو...مين عابيحكي...

- افيتال ليبوفيتش...ميس خماس...

- ميس... مين؟...

- ميس خماس ...احنا عنّا شوية قنابل فوسفور...و شوية قنابل gbu39 و شوية انشطارية حنرميها بعد شوية اعذروناازعجناكم......هي 3 دقائق و انخلص...

- يلعن ك...اختك ...يا بنت الشرموطه.. ...

- .فززززززز.....بومممممممم...باوووووووو...

تشعل النار تطيح "أم علي" تسقط حيوط الغرفة... و تبقى السماعة تدرجح...

- الو...ام علي...انت ما زلتي عالخط...هنا افيتال ليبوفيتش...

اضافة: avital leibovich هي المتحدة الرسمية باسم الجيش الصهيوني. و يسميها العديد من المدونين

في أوروبا "ميس خماس" لاستعمالها كلمة "خماس" 10 مرات في الدقيقة.



تعليق وائل

يعطيك الصحة في هالسكاتش
و هاك المغبون براس العزوزة يزيه



تعليق khalil

super ce post
je partage avis de wayel
arrete kissa tu va les tuer les 2 cons d'israel.personne ne les a jamais insulté comme ca dans leur vie



تعليق houcine

meilleur article c'est la vérité de ce connard