القائمة...

توه هكّه... عملتها مرة اخرى يا وحيّد !!!!

و احنا ماشي في بالنا انو الموساد يجنّد خوه على بوه....

راسّاتلك تكلم في مايير داغان(الصورة اعلاه شوفو ما شبّو) ...هيمسالف... يعطيك الصحة... و يخليلك الوليدات و المدام و الشويهات... و الزويتينات في البلاد...

ايّا يا سيدي...قاللكم... مضمضو... و اللي شاح يلبس !!! اللي كان ناوي يعمل كيما وفاء سلطان

يمشي يجرب الحرقة . قالك الموساد ما يخدّمش الأنجيليات... كلام رسمي من مصدر موثوق متاع مدون

تونسي اومورو 5/5 مع اسرائيل ...ما تحقروهش ...راهم عندهم ثيقة كبيرة فيه(quoique !!! )

المفيد... مايير داغان... الربّي الكبير متاع الموساد... عطاه الليسته متاع الناس اللي الركروتمان

متاعهم يكاد يكون مستحيل...دونك زيادة على الأنجيليات (حتى كيف يبداو يشبهو لمونيكا بللوتشي).

فمّى قائمة طويلة...هاو تطوع هذا المدون و عمللكم منها تلخيص :

- اللي يكرهو اسرائيل

- ما يحبوشي النهب الأمريكي

- معارضين احتلال العراق

- اللي يكرهو الكيتشوب

- ضد احتلال افغانستان

- اللي عندهم ساق وحده

- اللي عندهم سته صوابع

- اللي يناضلو في البلدان العربية من اجل الحريات العامة

- اللي يكرهو المثقفين الفرنسيين الأتي ذكرهم :انريكو مسياس،ارتور،ميشال بوجناح

بتريك بريال،قي مردال، لاروسو،

- محبّي النادي الأفريقي

- سكان الرديف الكل

- المرضى بمرض كروزفالد جاكوب

- اللي يسبو دانيال بايبس

- اللي يوزنو فوق 94 كيلو

- سكان غزة

- اللي يحبو شعر نجيب سرور

- نورمان فلكنشتاين

- موميا ابو جمال

- صنع الله ابراهيم

- جلعاد عتزمون

و اذا تحبّو تعرفو القائمة كاملة اتصلوا بالموقوع kadhibon-wa-mougalata.blogspot .com

راهو النص اللي كتبتو وفاء سلطان اللي تحكي فيه على غزة يدخل تحت طائلة الدعاية و المساندة لمرتكبي الجرائم ضد الأنسانية و هاذي في قوانين العالم اجمع مشاركة في الجريمة و بالتالي، بحكم انو هالجرائم لا يمسّها التقادم، كل واحد يطبّل و يهلل لهذه النصوص يعرض نفسو للمسائلة الجنائية حتى بعد 10 او 20 او...سنة .

ملحوظة لا تهم الا قارىء واحد: et maintenant …Degages…tu pollues mon blog…