السبت، 2 أبريل 2011











البارح ظهر بالكاشف ان من نصّبو انفسهم حكّام على الشعب التونسي في مكان المخلوع بن علي،مستمرّين في التمشي متاعهم في ضرب مساحة الحرية اللي فرضها الشعب التونسي بعد 14 جانفي...بعد التعذيب اللي تعرضلو الشاب محمد العبيدي في القصرين و تفريق اعتصام المهدية بالمتراك و الغاز...و تنصيب وزير داخلية من مخلفات عهد بن علي...جات وقائع البارح في باب منارة ... عنف و ترهيب...توضحت الصورة...

حبو يموهو علينا و قالو " لقد وقع حل البوليس السياسي" ... ياخي رينا و سمعنا البوليس السياسي...يصول و يجول...

البارح شفنا 200 الى 300 نفر واقفين قدّام وزارة الداخلية رافعين شعرات متاع القرون الوسطى(تطبيق الحد ...وجوب ارتداء الحجاب،تحريم الغناء و التلفزة و السنيما و المسرح و التنظم في احزاب و حرية المعتقد و التعبير و وجوب الأنضواء تحت راية الخلافة...)...و الجمع هذا ما كلمو حتى حد و لا جاء على ساحتو...و نوضح هنا اني مع حق التظاهر المطلق...و ما نطالبش بقمع المتظاهرين مهما تكون مطالباتهم...

أما كيف شفت العنف اللي تصلّت عليا و على المتظاهرين اللي حبوا يوصلوا لبطحاء القصبة و المطالبين بمسائلة القتلة متاع 243 شهيد تونسي...ضربني الشك (و مانيش الوحيد)....انو مسيرة البارح في شارع الحبيب بورڨيبة هي من صنع وزارة الداخلية من أجل تمييع و تعويم مسيرة القصبة 3 و قمعها...



تعليق غير معرف

ما تدعيش امتلاك الحقيقة...
اش قمعو ؟ كمشة شلايك حبت تكسر ياخي تدخل البوليس...
كان فما مسيرة ماهياش كيما تحب انتي راهو بوليس سياسي ؟؟؟
طز فيكم



تعليق غير معرف

!!LE MIEUX KEN ç "ADET FI DAREK TRANQUIL



تعليق kissa-online

@الغير معرف 15:16
بربي سؤال: توه انتي الشلاكة كيفاش تعرفها؟
لاي شعبة كنت تابع؟
براس لحنينة قولنا خلينا نضحكو شوية



تعليق kissa-online

@anonyme 2
le probleme c'est que je n'ai pas de maison!!je continue a galerer ...j'habite dans la rue... en general entre la rue el marr et souk elblagia...ça depend des jours
une petite remarque :du moment ou tu ne maitrise pas le français "bjah rabbi" et "bjah sidi bounawara" ecris tes commentaires en arabe



تعليق غير معرف

les gens qui laissent les autres tunisiens se frapper leur tours à eux viendra et il se ferons frapper par les même policiers qui défend aujourd'hui.si vous voulez la démocratie elle ne se réalisera pas si les droits de l'homme sont baffoué .



تعليق brastos

الغير المعرف الاول
انا ماريتش في البوست ايّ ادعاء لامتلاك الحقيقه .. بالعكس ريت وثائق(صور) تدين الحكومة المصرة على الالتفاف و اللي تتميز بحنين الى الاستبداد البورقيبي
لا شيء يبرر قمع المتظاهرين .. يجب ان نقطع مع هذه الممارسات
بالنسبة لتوصيف الشلايك و غيرو .. الامور نسبية .. و زوايا النظر متعدده .. بالنسبة ليّ الشلاكه هو اللي الشلاكه هو اللي يكيّل في الطحين لحكومات الالتفاف المنصبة بكافة تشكيلاتها
على فكرة يا قصة .. كيف احوالك ..
ça fait une eternité :)



تعليق kissa-online

اهلا براستوس
يا ولدي فينك هالغيبة...يا ولدي ارجع للتدوين...راهم العفاطات كثرواو البهامة عاملة مسد...انا من يوم اللي عمار404 هز يدو على البلوق رجعت في فورمة...
هية نحي البخل و حل الضرب
على الأقل اعرض les dessins اللي انا متأكد انك راك عامل منهم العشرات من 14 جانفي...
تحياتي