الجمعة، 22 مايو، 2009


فمٌى مؤتمر نظمتو الكنائس المعمدانية الجنوبية southern baptist church اللي تنتميلهم وفاء سلطان (هي حرٌة باش تعتنق أي دين تحب...). المؤتمر هذا اسمو "العابرون من الظلمة الى النور"... باختصار هو اجتماع متاع جماعة كانو مسلمين و طورنو ولاو مسيحيين... الى حد الأن الحكاية هذه ...صراع اديان...و انا اش مدخٌلني...
الا انٌ وفاء سلطان صرٌحت
في هذا المؤتمر بما يلي :
أنا أمازغيٌة منذ أن إجتاحت جحافل الأسلام بلاد الأمازيغ و وصفتهم ظلما و عدوانا بالبربر...
و أنا هاك النهار نقول اش بيه حلبودة( المدون التونسي الشهير) جبد يتكلم على القبائل متاع الجزائر؟ تبٌعو الغرزة معايا يا قرٌاء... اوٌل تعفيطه : موش العرب سمٌاو "الأمازيغ"..."البربر". التسمية هاذي اعطاوها الرومان...
معناها يا جماعة يا كرب يلي جيتو من 1400 سنة لتونس سامحونا و من غير مطرود !!!!
الحكاية فيها اجتياح و انتوما تعرفوني خوكم "قصة اون لاين" ضد كل انواع الأجتياحات و الغزو. ايٌا سيدي البرٌاني على برٌه ...و اللي شاح يلبس...ما عدى جماعة القرى الأمازغية :توجوت، شنني، الدويرات،تمزرط، سدويكش و نضيفلهم الفراشيش لانهم كانو هنا قبل 1400 سنة (كما قالو strabon و tite live ). كل واحد ،من بنزرت الى برج الخضرة ما عندوش ما يثبت انٌو امازيغي...بدون الحاح...انتوما جحافل متاع اجتياح !!! allez du vent…ouste
كل واحد ،حسب هالعفٌاطة وفاء سلطان، اسمو بن احمد و الا بو كردوغة و الأعور و الجندوبي و الطويل و القصير و بوحدبه و بولحية و القربي و المنزلي و بوصبع و بوعيلة و بو عطٌوش... يتفضلو...دام الفرح...و نزيدولهم هاك الجماعة النازحين من نابولي "نابولطان" و من جرجيا "القرجي" و حتى لطفي بوشناق يقشٌع يرجع للبسنة و الهرسك...و اللي اسمو بلانكو و الا كريستو ...ثنية اسبانيا هاي من هنا... و اللي اسمو الطرهوني و الا الغول هاي ليبيا منٌا... و الشركسي و ساركيس تونس موش بلدكم...ارجعوا ل"ارمينيا". كيفاش يا "حلبودة" تحبني... نتناقش... مع وحدة مننٌحه؟ ... هي الحكاية راهي تنجم تستهوي بعض المخبلين... يقعدو الأمازيغ وحدهم و يعملو اسامي جدد... تصوٌر يا حلبودة واحد من سدويكش اسمو "ميشال" و مرتو اسمها "فيرونيك" ...واو... محلاها الحكاية...لاكن خسارة... التاريخ ما يتكتبش بالطريقة هاذي...هالكلام اللي في ظاهرو بايخ،منظومة ايديولوجية اسمها الفوضى الخلاقة متاع المحافظين الجدد...
تذكرت هنا قصيد متاع شاعر امازيغي اسمو "ارياز وليليٌش" عاش في القرن 13 (1220-1282) نهديلك و لوفاء سلطان البعض من كلمات القصيد :
...يوشاك تلفسى... قلمجليك شك اد نتت
و ترجمتها : المسيرة مستمرٌة و الغزاة على برٌه


تعليق غير معرف

توه فهمت اللغز متاع اسمالبلوق متاعو
لواه التدوهين؟ ما هو يقول ولٌيت كاتوليك



تعليق غير معرف

سامحوني، اشبيكم حاطين كان على عاشور

هاو الجماعة الاخرين عاملين كيفو زادة والا كثر ويدافعو على اليهود وقتلي جاو لتونس منذ اسبوعين ويدافعو على التبشر المسيحي وما قلتو عليهم حتى شيئ

برى شوف مدونات ارابستا وعياش عالمرسى

اشبيه حلال عليهم حرام على عاشور



تعليق kissa-online

@غير معرٌف1 و 2
القضيٌة ليست قضيٌة معتقدات و لا يهود و لا بوذيين و لاعبٌاد سلاحف او اوثان. انا لا ولاية لي على معتقدات الناس و لا حتى ان لا تكون لهم معتقدات.هذا امر يهمهم.
انا مشكلتي مع أناس يطبلون صباحا مساء للقتلة الصهاينة و للقمع وللنهٌابين و الأستعمار.



تعليق غير معرف

Vous oubliez que c'est un clan sauf que si Halbouda se présente comme le porte parole de ce groupe.
Et merci kissa on line . WA7ED YE M3ALLEM!



تعليق غير معرف

حتى الاخرين كيف كيف يدافعو عن اسرائيل زادة ولكن بذكاء

وثم واحد اخر مازال ذري يكتب بمدونة عرابستا، عندو مدونة متغشش فيها علاش الناس يفرحو كيف يشوفو واحد اسرائيلي وقعتلو مصيبة



تعليق Clandestino

زايد معاك صديقي
:)



تعليق Übermensch

اهلا بالحاج متاع التعليق 3:50
يظهرلي المقصود بكلامك هو العبدولله، لذلك باش نستسمح من صاحب المدونة هذي بش نجاوبك
اولا كان عندك مشكلة مع تدويناتي ماذابيك تجيني لعقر داري و ما تبداش تحكي بالالغاز في مدونات الناس، راهو عيب و مايجيش منو
ثانيا نتغشش و الا نتفلق م فهمتش اش مدخل سيادتك ؟
ثالثا كان جيت نحب اندافع على اسرائيل ما نكتبش بوست كيما هذا
http://insan-ar9a.blogspot.com/2009/01/blog-post_12.html

و غناية مالنوع هذا ما تشيخنيش في مخي
http://insan-ar9a.blogspot.com/2008/11/blog-post_626.html
رابعا و اخيرا، ما نعرفش شكون نصبك مفتش في نوايا العباد، لكن هاني بش نذكرك بزوز ايات مالقرآن( كانك مسلم بالطبيعة)
يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ (الحجرات 12)
وَإِنَّ الظَّنَّ لَا يُغْنِي مِنَ الْحَقِّ شَيْئاً (النجم 28)

سامحني "قصة اون لاين" كان قلّقتك



تعليق khalil

بيت الشعر في اخر النص ترجمهولي صديق يدرج القجمي!!!!
يا قصٌة يقوى عليك ربي



تعليق khalil

@kissa-online
le copain qui m'a traduit le vers
m'a aussi donné qques explication sur le poete
MDR!!!!



تعليق tunisianblogger

m3allemmmmmmmm ya kissa ;-)