البارح الصباح ،مع العشرة تقريبا ، و انا نشرب في قهوة ...حلٌيت التلفزة...
Pile…poil ...نطيح على قناة "حنبعل" التونسيٌة تعدٌي في برنامج اسمو "يلٌي معانا" :
المذيعة : ...شكرا دكتور كمال ج... على نصائحكم في التغذية...و نمر الأن الى الركن الموالي ...
مع الدكتور الفلكي حسن الشارني....
صدٌقوني يا قرٌاء حسٌيتها إهانة...
ما كفاهمش تدجين النٌاس و تبهيمهم ببرامج مثل "عندي ما نقلٌك" و "المسامح كريم" و "الحق معاك"
و غيرها من التعاسات التي تبث يومياٌ ، هاو اصبحو يكذبو بالصوت العالي ...
لوكان الواحد يعمل بحث صغير في الشارع توٌه يلقى مئات الناس ماشي في بالهم اللي حسن الشارني دكتور
بالرسمي !!!
و انا نتوجٌه للمقدٌمة البرنامج بالسؤال التالي :
براس سيدي بو نوٌارة متاع بلادكم و الا حتى سيدي كردوغة متاع ظبوط القردة...صاحبك هذا دكتور في شنوة؟
و اش اسم الجامعة المتخرٌج منها ؟
برا س امٌكم يا قرٌاء و يا "اهل البر و الأحسان" كيما تقول الأذاعة ، كان واحد منكم يعرف هالوشقة و الا واحد من تلفزة "حنٌبعل" يطرح عليهم السؤال.
على خاطر "دكتور" راهي اعلى درجة في سلٌم الرتب الجامعية... مولاها ماخو الباك و ميتريز و اجتاز مرحلة تحضيرية
و حظٌر اطروحة علمية و قدٌمها امام لجنة أقرٌت بنجاحو.
مقدٌمة البرنامج التافه هذا تكذب على المشاهدين !!!
الرٌاجل هذا لا هو دكتور و لا هو فلكي. الدكتورا درجة جامعيٌة و الفلك علم يتقرا في الجامعة و يستوجب سنوات عديدة من الدراسة.
استعمال مقدٌمة البرنامج لكلمة "دكتور" في غير محلها... مقصود . الناس هاذم يكرهو العلم و المتعلمين . هوما في اغلب الحالات ما نجحوش في تعليمهم...و يتحينو كل الفرص باش يزداريو بالدرجات الجامعية. و نفس الوقت يوهمو المتفرٌجين انٌو الكلام اللي يقول فيه المنجم ..كلام صندي ...دالٌة بيطون ارمي(dalle en beton)...بينما هوما يضحكوا على ذقون المغابن اللي يدفعوا في عشرات الاف الدنانير متاع الsms.
هاذي عملية "انتحال صفة" ...لو كان الدنيا دنيا ...راهو عمادات الأطباء و الجامعات تعمل سكندال...لان الحالة موش
فدلكة في حومة(...شبيبة يقومو يسميو واحد منهم دكتور).
زد على ذلك انو الدجٌال هذا مسمي روحو نائب رئيس "الأتحاد الدولي للفلكيين"
يا ولدي… هالمنظمة راهي موجودة و رئيستها البروفيسور catherine cesarsky...مرا دكتورة في الفيزيا...
توٌة انتي نايب رئيس UAI .
Pile…poil ...نطيح على قناة "حنبعل" التونسيٌة تعدٌي في برنامج اسمو "يلٌي معانا" :
المذيعة : ...شكرا دكتور كمال ج... على نصائحكم في التغذية...و نمر الأن الى الركن الموالي ...
مع الدكتور الفلكي حسن الشارني....
صدٌقوني يا قرٌاء حسٌيتها إهانة...
ما كفاهمش تدجين النٌاس و تبهيمهم ببرامج مثل "عندي ما نقلٌك" و "المسامح كريم" و "الحق معاك"
و غيرها من التعاسات التي تبث يومياٌ ، هاو اصبحو يكذبو بالصوت العالي ...
لوكان الواحد يعمل بحث صغير في الشارع توٌه يلقى مئات الناس ماشي في بالهم اللي حسن الشارني دكتور
بالرسمي !!!
و انا نتوجٌه للمقدٌمة البرنامج بالسؤال التالي :
براس سيدي بو نوٌارة متاع بلادكم و الا حتى سيدي كردوغة متاع ظبوط القردة...صاحبك هذا دكتور في شنوة؟
و اش اسم الجامعة المتخرٌج منها ؟
برا س امٌكم يا قرٌاء و يا "اهل البر و الأحسان" كيما تقول الأذاعة ، كان واحد منكم يعرف هالوشقة و الا واحد من تلفزة "حنٌبعل" يطرح عليهم السؤال.
على خاطر "دكتور" راهي اعلى درجة في سلٌم الرتب الجامعية... مولاها ماخو الباك و ميتريز و اجتاز مرحلة تحضيرية
و حظٌر اطروحة علمية و قدٌمها امام لجنة أقرٌت بنجاحو.
مقدٌمة البرنامج التافه هذا تكذب على المشاهدين !!!
الرٌاجل هذا لا هو دكتور و لا هو فلكي. الدكتورا درجة جامعيٌة و الفلك علم يتقرا في الجامعة و يستوجب سنوات عديدة من الدراسة.
استعمال مقدٌمة البرنامج لكلمة "دكتور" في غير محلها... مقصود . الناس هاذم يكرهو العلم و المتعلمين . هوما في اغلب الحالات ما نجحوش في تعليمهم...و يتحينو كل الفرص باش يزداريو بالدرجات الجامعية. و نفس الوقت يوهمو المتفرٌجين انٌو الكلام اللي يقول فيه المنجم ..كلام صندي ...دالٌة بيطون ارمي(dalle en beton)...بينما هوما يضحكوا على ذقون المغابن اللي يدفعوا في عشرات الاف الدنانير متاع الsms.
هاذي عملية "انتحال صفة" ...لو كان الدنيا دنيا ...راهو عمادات الأطباء و الجامعات تعمل سكندال...لان الحالة موش
فدلكة في حومة(...شبيبة يقومو يسميو واحد منهم دكتور).
زد على ذلك انو الدجٌال هذا مسمي روحو نائب رئيس "الأتحاد الدولي للفلكيين"
يا ولدي… هالمنظمة راهي موجودة و رئيستها البروفيسور catherine cesarsky...مرا دكتورة في الفيزيا...
توٌة انتي نايب رئيس UAI .
هوما ما نجحوش في تعليمهم و يكرهو المتعلم، هاك لخصت في كلمتين فاجعة متاع بلاد كاملة، هايل و ممتاز
http://www.iau.org/administration/executive_bodies/executive_committee/ Voila le bureau exécutif du union international d'astronomie
@حمادي
يعطيكم الصحة
فضحتوهم
ههههههه ... يقوى عليك ربي يا قصة
ملا جهّال !! وين ماشيين بالبلاد ... وكيما قلت أنت, وينهم عمادة اللأطباء ؟؟ وينهم عمداء الجمعات ؟؟ نني نني جاك النوم!!! ... يبارك في ترابك يا تونس
فراغ فراغ اعلامي كبير برنامج عراف اونلاين للمشاركة ابعث sms بدينار ودورو
وفنجان قهوتك عن طريق البريد ههههه
@belmalwane
مرحبا. وينك يا هرٌاب؟ سيٌب عليك القناطر و البيطون شويٌه و ايجا اعمل ضربات بلوقينق.
وين ماشية البلاد؟:راهم تلاقاو عليها،
القمع و الدجٌالة متاع القرون الوسطى بجميع انواعهم و جماعة الأستعمار كيما "حلبودة" .
و الله بالحق يا قصة ، في الجرايد التونسية إعلانات الدجالة بكلهم ، ما يسالش ، أغلبهم فيهم صفة الدجال : نائب و إلا عضو في هيئة الإتحاد الدولي للفلكيين ، لكن هاو شفت ما فيهم حتى كربي ، أما لازم إلّي يشرف على الإعلانات واصلين ما يراقبهم حد