فلكي...ام دجّال؟

اليوم الصباح و انا نبربش في التلفزة تعدّيت على القناة هاذي :

نلقى واحد عفاط متخرّج من "السادسة ج" من المدرسة الإبتدائية بظبّوط القردة يتكلم

قالك يا سيدي عرّاف يعطي في رايو في الأحداث المقبلة...دجّال كوا

هالقناة اللي تجارتها الأساسية تعميم البهامة و الدفاع المستميت على امريكا و اذنابها

سمّات هالسيد "نائب رئيس الأتحاد الدولي للفلكيين"

و الله يا جماعة لوكان جيت البروفسورcatherine cesarsky رئيسة الأتحاد الدولي للفلكيين( اللي بالمنجد موش الدجالة)

الا ما نرفع فيه قضية انتحال صفة. توه ما يحشمش على روحو ! ما يعرفش حتى التيورام دي تالس

و يسمي روحو فلكي

الواحد يمترز و يدكتر و جد بوه يتنحّى باش يفهم الفيزيك كانتيك و physique stellaire

و theorie des plasmas و شوف ياربيش يولّي باحث في الفلك و هالأمغاط يصولو و يجولو ثم

تجي قنوات البهامة و الفكر الغيبي و ديكلاريهم "فلكيين". مصيبة و كارثة !!!

اذا كان هذاكه "فلكي "

هاذوما( غاليلاي و كوبرنيك و نيوطن و انشتاين ) امّالى شنوّة؟