نوّار اللوزة...الفاضل ساسي

كم عدد موتى مظاهرات 3 جانفي1984 في تونس ...لا أحد يعرف...

من أطلق النار عليهم...نزر قليل من الناس يعلم...إلى حدّ الأن على الأقلّ...

كان من بين من استشهد، الرّفيق الفاضل ساسي... من مواليد 8 ديسمبر 1959 بتونس .زاول تعلمه الابتدائي بمدرسة نهج كتاب الوزير بالعاصمة ، و الثانوي بالمعهد الصادقي، والعالي بكلية الآداب بتونس ( 9 أفريل ومنوبة).
درّس بالمعهد الثانوي بتبرسق ( المعهد الثانوي الحبيب بورقيبة ) من سبتمبر 1982 الى جانفي 1984 تاريخ استشهاده. ناضل ضمن الاتحاد العام لطلبة تونس (الهياكل النقابية المؤقتة ) وبنقابة التعليم الثانوي. استشهد يوم 3 جانفي 1984 في مفترق شارع باريس وشارع الحبيب بورقيبة عندما كان في مقدمة مظاهرة شعبية للاحتجاج على الزيادات في سعر الخبز و مشتقّات الحبوب.

كتب "الأزهر الضاوي" بعد إغتيال "الفاضل" إحدى أجمل قصائد الحرّية التي كتبت في بلادنا باللهجة العاميّة :

غنّيها يا شعبي الباسل للبحر اللي ما ينسى
غنّي قول دمّك يا فاضل فاح خميره في الخبزه
يا شهيد الخبزه رجعت
يا شهيد الخبزه ثور
طالعه من قبرك ورده
تنادي الشعب يجيك يزور
دمّي يا امّيمه وردي
صوّر خبزه عالكيّاص
علشعبي صدري لقّيتو
نقبوه البوب و الحرّاس
واللي قتلني انا ريتو
متخبي وسط البلاص
ينخز في ذراع العسّاسه
صبو فيّاغلو رصاص
دفنوني في ليله ظلمه
و جنازه ما فيها ناس
.......
بن غذاهم والدغباجي
كي تلاقو بين الوديان
يتماشوا و الدّم سواقي
من قبلّي لدندان
قالو هذا دم الفاضل
ساح و غطّى كل مكان
يصرخ وشاور عالخبزه
رفعوها رجال الديوان
ناري نا عالقمح الباجي
في مخازنكم يا رومان
........
راوي ها الوردة من دمّك
فاحت في هبّ النسمات
صارت ريحتها عند امّك
صاحت ما تقولوشي مات
لاش تقولو مات الفاضل؟
ماتقولوش الفاضل مات
الفاضل في قمحك يا سبولة
في الزيتونة في النخلات
فاضل معزوم على قفصة
نادول جبال الفسفاط

فاضل يا نوار اللوزة
فاتح في غريق القرّات
شعاع النّور في ليله دمسه
سربه في حلق البايات
ماشي واحد راجع خمسه
ساير في طريق الحياة
هو نايم توّه يصحى
كيف تناديلو الهزّات