الاثنين، 28 فبراير 2011



البارح على قناة " نسمة " التلفزية اللي هي على ملك طارق بن عمّار و سلفيو برلسكوني أطل علينا عمر صحابو الصحفي...و حل فينا فتريّة...يمجّد و يكدّس في الباجي قايد السبسي...و فجأة قال "...و الأن و قد أتّخذ القرار..." "يلزمنا...bla bla bla "

يا عم الراجل اش كون نادالك انت و الا الباجي قائد السبسي ؟ اش كون زفرلكم؟...شكون أتخذ القرار ؟...أنت؟ المبزع؟ سفارة فرنسا؟ حكيم القروي؟الهادي البكوش؟مرجان؟الوذرني؟ بقايا العائلة المفيوزية؟الغرياني؟ هاذم الكل ما يكسابوش واحد من مليون من مشروعية محمد العيوني القادم من مدينة الرڤاب و المعتصم بالقصبة و الا اي إمرأة او راجل يطالب برحيل كامل زمرة بن علي .فهمت ؟ كابيش ؟ … pigé ? claro ?

خلال الحصة بدى صحابو يملّخ و يحطّ "...الراجل(يعني قائد السبسي)...مثقف...و نظيف...." يا عمر صحابو... راهو صاحبك شد الأمن من 1962 الى 1970...و راهو محمد بن جنات و رشيد بللونة و محمد صالح فليس و خميس الشماري و سكان برج علي رايس و الوردنين و غيرهم عشرات مازالو أحياء و يمكنلهم باش يشهدو على التعذيب في وزارة الدّاخلية و في دهاليز برج الرومي في المدة هذه.

واللي كمّل طلّعلي الدم لرأسي ان سي صحابو ختم واحدة من جمل التملق متاعو و أشار ان "قائد السبسي" "...ولد فاميلية..."..." ايّا... يا صحابو...اش قولك تمشي ت..."...برّه سيّب هالريق في بقعة اخرى...و امشي شوف خدمة أخرى...و اذا كان ما عجبكش DEGAGE



تعليق أماني

وحدك يا قصّة اون لاين



تعليق غير معرف

شكون محمد العيوني؟ما نعرفوش



تعليق حيدرأباد

كفانا تراشقا بالسباب و الشتائم و إثارة الصراعات الجانبية و الحال أننا في أشد الحاجة للتآزر ضد تيار تشويه الثورة و إرجاع أحوال البلاد للوراء و الفوضى و من ثم إيجاد المبرر لرجوع دولة البوليس و إجهاض التجربة الديمقراطية..

الديمقراطية تبدأ من علاقتنا ببعضنا معارضة و موالاة و كل أطياف الشعب التونسي و إلا سنثبت للجميع أننا لسنا أهلا للديمقراطية و الحرية و أنه لا ينفع فينا إلا الحاكم المستبد حتى يسود الأمن و الإستقرار الإجتماعي و الإقتصادي.

كذلك كفى نظريات مؤامرة و شكوك مبالغ فيها و في غير محلها..

الناس استفاقت و عندما يثبت أي ضرر من أي طرف ما ضد الثورة و التجربة الديمقراطية للبلاد فإن الناس سوف تتكلم و تنزل للشوارع و هذه عقدة و انحلت و لن ترجع الأمور للوراء إن شاء الله...



تعليق غير معرف

mafamech we7id ma3soum mina il khatae kol we7id 3mil fi soghrou



تعليق Eddimou

نستطيع اعطاء فرصة للحكومة لعلا المجلس التأسيسي ينفع انتخب؟



تعليق Banzarti

Je voulais juste ajouter d'autres personnes qui pourront témoigner des atrocités et tortures qu'on subit sous l'égide de Caid essebssi, demander aux acteurs du complot de 1962 contre Bourguiba: Kaddor Ben Yochret, Ali ben Salem , Mohamed Salah Baratli et bien d'autres, votre homme n'est pas un ange ou mehouch ndhif, en plus ta7kiou 3alé weld 3ayla, pour l'histoire, son grand père est un mamlouk, il a été juste elevé par des beys.Akraw chwayya teri5 merde, vous me casser le couilles avec votre ignorance