الجمعة، 23 مايو، 2008


قالك يا سيدي بان كي مون الأمين العام متاع الأمم المتحدة

عمل عمله قد السماء مع الكيان الصهيوني.

و وزيرة الخارجيّة متاع صهيون حربت الدنيا بالعياط

على كلمة "النكبه" اللي استعملها بوكيمون في برقية

بعثها يوم 14 ماي الى الفلسطنيين.

و تطالب ان يقع محو هالكلمة من النص

الرسمي المترجم الى عدة لوغات و مسجّل في دفاتر

المنظمة.

انا الحكاية هذه بالنسبة ليّ خر طر لأنو الأمم المتحدة

مشاركة الى حد بعيد في نكبة شعب فلسطين.

اللي لفت انتباهي هو انّو صهيون بعد ما تمكنت

من الغاء المقرّرات التي تعتبر الصهيونية عنصرية

تهاجم كل من يشنّع باحتلالها ارض فلسطين

و حتى استعمال كلمة "النكبة" تحب تمحيها.

فرضت على وسائل الأعلام المتواطئة معاها

مصطلحات كيما "تساحال" و جيش "الدفاع"

الأسرائيلي و المجموعات "الأرهابية".

و المضحك في الأمر ان الوزيرة ليفني(حقّو بوها

سمّاها الك..... او لمب....او واحد من الأسماء اللي

توجدوها في كتاب الشيخ النفزاوي)

هي بنت المجرم هذا

ايطان ليفني

واحد من المؤسسين متاع عصابة IRGOUNالمسؤولة

على هدم قرابة 650 قرية في فلسطين و تهجير 900.000

نفر بين 1945 و 1948



تعليق Big Boss

اللعنة على أبناء صعيون



تعليق 3amrouch

شكرا للمعلومات القيمة
ماو بوكيمون يمكن مازال جديد
خليه ياكل على رأسو باش يتربي ويتعلم اصول الاتيكات
ملاحظة
نستناو في اجابات للاسئلة متا ع المسابقة



تعليق غير معرف

بجاه ربي شنوّ هتاسبتين
الك... و لم
و شكون الشيخ النفزاوي؟



تعليق kissa-online

@anonyme
عجب ما تعرفش هالكلمات
انا واحد من الناس تعلمتهم من البطحه اللي كانت بحذى دارنا
هوما في الأصل راس الك.. و راس المب
بالنسبة للشيخ النفزاوي
هذا راجل عظيم عاش في القرن 15
و برجولية حقّو توجد توه
ابحث عن كتابو
الأيضاح
@3amrouch
ناوي نكتب ورقة طويلة عريضة في الموضوع
توه تلقى فيها كل الأجوبة