الخميس، 16 يونيو، 2011






القرّاء اللي يعرفوا المدوّنة يتفكروا الصراع اللي وقع ضد المتصهينين (*) (*)في ديسمبر 2008 و جانفي 2009 وقتلّي الكيان الصهيوني هجم على غزّة...أيّامتها الجميعة اللي يموتو في حبّ صهيونستان...أنا سميتهم وقتها "جماعة القحب المريش متاع اسرائيل بتونس" لان ابتذالهم و طحينهم يعملوا فيه لله الربّي...بلّوشي...

هالنهارات الجالية الصهيونيّة المقيمة بتونس رجعت تخدم بقوّة بمناسبة نقاش موضوع التطبيع مع اسرائيل في الهيئة العليا اللي اسمها طويل...هالكوازي وقفوا وقفة "سجاعة" مع امهم الحنينة اسرائيل و قالوا لا سبيل الى ان يقع التنصيص في ما سمي "الميثاق الجمهوري" على "عدم الأعتراف و التطبيع مع اسرائيل"...و اللي زاد الطين بلّه انو واحد من هالجميعة قالك "...مقاطعة اسرائيل موش من ثوابت الشعب التونسي..."

قل لي يا سي المغط اشكون فوضلك باش تتكلم باسم الشعب التونسي؟ ...برّه اسأل من بنزرت لبن قردان توه يقولولك التوانسة ...اللي اسرائيل كيان استعماري و عنصري .

و التوانسة اللي مشاو في 1936 و في 1948 لفلسطين لواش مشاو؟ و الشباب التوانسة اللي ماتوا من 1970 الى 2000 في فلسطين المحتلّة...علاش ماتوا؟ زعمة مشاو تورست !!!

زايد استانستو انت و صاحبك متاع اللجنة العليا تسافروا بفلوس الصهاينة و تمشيو تمدّو في وجوهكم في جامعة Bar-Ilan... زايد رقع و شلايك...

الشعب التونسي ما لقاش فيكم الخير لا وقت الأستعمار وقتلي كنتو تنظرو ل"l’independance au sein de l’union" و لا ايّام كنتو تمارسو " l’entrisme" في صلب PSD و لا ايّام "المساندة النقدية" لنظام الدكتاتور المخلوع...

heureusement ...اللي عددكم ما يجيش عباية زوز كيران.



تعليق غير معرف

enfin tout le monde a le droit d'aimer les monstres mais qu'il nous obligent pas a aimer le monstre israelien .pour moi personnellement je ne reconnait pas un pays crée sur les bases d'une religion et que la sienne lui donnent le droit de baffoué les liberté sacré et cher a mon coeur ,et comme israel fait partie de ses pays assassin au nom de leur religion donc je ne la reconnait pas .et ses tunisiens ils peuvent toujours rêver de me corrompuront ils ne réussirons pas a acheter mon âme son prix est trop cher et il s'appele :liberté et dignité humaine.



تعليق guyguoz

هذا أفضل ما يمكن أن يقال عن آخر تمظهرات المتأسرليين لأنهم لايعلمون أن الكيان لا يعترف بإنسانيتهم ولو يقرأ أصحاب العهر المجاني أسفار التوراة لدخلوا جحورهم وقالوا مالنا وهؤلاء إبادعك مذهل كالعادة



تعليق غير معرف

avant de parler savait vous que après les palestiniens le nombre des prisonniers tunisiens est le plus élevé en israèle pourtant ont est la population la moins nombreuse des pays arabes .alors personne ne peut nous donner des leçons de l'amour de palestine.