الأربعاء، 15 جوان، 2011



قالك افتتاح مهرجان قرطاج الصيفي باش يعملو لطفي بوشناق!!! ...يعجبكشي...

يا خي شكون العفاط اللي طلع بهالفكرة de tres mauvais gout ؟... قالك الحفلة "تحيّة فنيّة للثورة"...لاهايل برشة !!!

براس أمكم ياخي ما خطرش على بالكم... اللي هالفكرة مننّحة على الأخر؟... ياخي وزارة الثقافة ماهيش فاهمة انها تصرف في أموال الشعب ...واللي الشعب التونسي ذاكرة حيّة...

ما ثمة حتّى حد قال لهالوزارة اللي بوشناق متاعها ... من مناشدين الدكتاتور بن علي !!!

باخي نساو العريضة اللي امضى عليها بوشناق في اوت 2010 : "... من منطلق شعورنا بالمسؤولية تجاه وطننا ومجتمعنا وتطوره وبنائه وتوازنه واستقراره ومن أجل مستقبل لتونس أكثر قوة ومناعة واشراقا فاننا نسمح لانفسنا كوطنيين وبعيدا عن كل التصنيفات السياسية والايديولوجية أن ندعو حامل الامانة بكل صدق الى استكمال ما أنجزه." (*)

الوزارة بمأنها صرفت...راهي كملت استدعات محسن الشريف متاع "يحيى بيبي ناتانياهو" و السلام ...

الوزارة يلزمها تفهم اللي تحية الثورة لازم يقوموا بيها نساء و رجال(حتى اذا موش برشة) عانقوا الثورة ضد الأستبداد قبل 14 جانفي و قاوموا بن علي ،كل واحد حسب جهيدو، موش الطبالين و المناشدين مهما كانت قيمتهم الفنية. نطلب من كل المثقفين اللي قاوموا الاستبداد أنهم يتصداو لهذه العملية الرخيصة اللي من خلالها يحب البعض إعادة الاعتبار و المكانة لأزلام الاستبداد.

الصورة المصاحبة للتدوينة مأخوذة من حفل وقع نهار 26 اكتوبر2009 للإحتفال ب"انتصار" بن علي في "انتخابات" 2009 .



تعليق غير معرف

kif el ada ;l'histoire se répète les combattent de la liberté (et mon père était l'un d'entre eux paix a son âme ) était oublier et les fachistes qui ont collaboré avec les français a l'époque c'est eux qu'ont gratifie et les gens qui habiter dans les montagnes personne n'a reconnu leur travaille et leur résistance pourtant ses eux qui ont déffendu ce pays.le oiseau s'est tait et si la chouette qui a chanté .allah yarhmek ya baba ..