السبت، 29 أغسطس، 2009



كيف نقوللكم أنو صهيونستان دولة عنصريٌة راهو موش كلام فارغ. كل شعوب الأرض من مجوس و كاتوليك و مسلمين و بوذيين و بروتستان و مرمون و كويكرس و شنتويست و عبدة القمر و الأشجار و كل الأصنام بأنواعها و حتٌى اليونتارينس و البهائيين...عندهم طقوس يقومو بها في اعيادهم الدينيٌة.

الصهاينة[شعب الله المختار...] عندهم 2 اعياد الشهر القادم "روش هشناهًٌَُ" [رأس السنة] و "يوم كيبور"[يوم الغفران] . هوما بمناسبة هالزوز اعياد يشريو مزامير مصنوعة من قرون العتروس يسميوها "شوفار". فمٌ واحد مزوٌر و موش غيور على الأقتصاد الصهيونستاني ،مشى صنع كمٌية كبيرة من الشوفارات في المغرب[و هجٌل آلاف المعزات المروكية وخلٌى حفرة قد السماء في القطيع ] و بدا يبيع توه عندو ايٌامات. الى حد هنا ،يقول القائل انا أش مدخٌلني ؟ يعبدو بقرة و الا "يهفي" ! ينفخو حتٌى في مصرانه... الموضوع ما يهمنيش .

Sauf que

الربي أرياه ليفين مسؤول كبير في المجلس الديني الأعلى صرٌح مؤخٌرا انه القرون يلزمها ترجع من فين جات لأن وقع استعمال مادة لصق البولياستار في صنعها. و لا يمكن انو تدخل قطعة في اي معبد، ايٌام الشاباط...صنعها عربي ...



تعليق sarra

يا قصة اون لاين اش مجبدك في الأونتارينس؟



تعليق kissa-online

@ ساره
أش مجبدني في اليونتارينس؟
شماتة، باش نضرع خلايق واحد عفٌاط يأمٌن بها الخرافة المننحة.