الاثنين، 4 جويلية، 2011



البارح الأحد 3 جويلية... حوالي الخمسة غير ربع متاع العشية جات برشة ناس باش تحضر الاجتماع اللي ينضمو حزب العمال في حي التضامن بتونس في القاعة المغطاة...لقينا قدام الصالة 50 نفر كشاكشهم على بره يعيطوا ...قالك الأجتماع هذا موش باش ياقع ولو ادّى الأمر الى العنف...في الأول الناس اعتبرت الأمر عادي برشة ...هاذم توانسة يعبروا على رأيهم ...الا انو بان بسرعة... ان العملية سيناريو ...الشرطة السياسية كانت حاضرة على عين المكان ...

مليشية تجمعية بالعصي و السكاكين و الغازات يقودو فيها "مروان"(مهنتو حجام و عضو في جمعية التضامن الرياضية)...و معاه "فتحي" شهر "عظم" و "العربي"(سارفور في قهوة)... 3 تجمعيين معروفين من سنين في حي التضامن...كملو خلطو عليهم كمشة سلفيين...و بعد تسخين دام 15 دقيقة هجمو على القاعة من الرابع جهة... كانو في الصالة برشة اطفال و نسوة... حاولو المهاجمين اقتحام المكان بالحجر و العصي و رشو قنابل الاكريموجان على لجنة الحماية اللي في الباب... و لا جاء الحرس لحماية المكان و لا البوليس ...

هذا الكل و ضباط سلامة امن الدولة يسيرو فيهم من فوق الرصيف...و بعد ما تكسر كل بلار القاعة و بعد كل المحاولات اللي قامو بيها المرتزقة متاع بقايا التجمع و اسيادم الفاشيين لاقتحام القاعة ... قررنا ارجاء الأجتماع و خرجنا... النتيجة برشة تجرحو بالحجر...والا فشفشو عليهم الغاز...و كان باي خوكم قصة اون لاين ضربة على يدي اليسرى بعصى اينوكس او الومينيوم(يمكن ساق متاع طاولة؟)...

في أقل من ساعة...حلوا الجعب متاع وكالة TAP (اللي ما زال يعبر فيها الفقمة علي بن نصيب) و تلفزة العار "تونس 7" الڨمم (جمع ڨمّة...مصارف الماء العفنة)متاعهم ... و قالوا :" جمع من المواطنين يمنعون اجتماع حزب العمال "...

اذن يا ابواق الدعارة... "مروان" و "العربي" و "فتحي عظم" و بقية المرتزقة... "مواطنين"...تفووووووووووه عليكم...

ما معنى الهجومات المبرمجة متاع سينما "افريكا" و حي التضامن و القيروان و باب بنات؟...ما هي الطبخة اللي قاعد النظام و بقايا التجمعيين و المافيا الأقتصادية يحضروا فيها؟...بعد "الأنفلات الأمني" و العروشية باش تجربو فينا الفتنة ...و الا بطريقة اوضح تحبوا تبطلوا الأنتخابات ... و جايبين اجندة اخرى !!!!

جوابي لكل التجمعيين المرتزقة متاع الشرطة و للسلفيين و من دبّر و سيّر الهجوم...لن تمروا...سنقتلعكم من أرضنا ... واحد... واحد .



تعليق غير معرف

des anciens rcdistes ,des salafistes,des bandits ,des tunisiens qui ne comprennent rien et marchent derrière tous ses gens là parce qu'on leur dit que c'est des athées ses communistes :quel coktail d'ignorance et des faibles ses gens se sont le vrai danger pour le pays et rajoute à ça rached gannouchi et mourou et là tu trouve la plus grande dictature mondiale manipuler par les americains et les petro-dollars ;tu croit que ça bénifice à qui tous ces pratiques ?à leur pire ennemies qui crie depuis des années et plus que les arabes si des fous de dieu qui ne connaissent pas la démocratie et il a répeter au congrés americains sous les applaeudissement.



تعليق adlane

بالرسمي فمى احداث غريبة.تجي جماعة تسكر زاوية سيدي الصحبي في القيروان و ما يتحرك حد.النورست يزورو المقام من خمسين سنة علاش توه موش الجمعة الفارطة غريب؟



تعليق غير معرف

et apres , un coup d'etat blanc pour 25 autres annes de dicatature,la mafrfia ne lache pas



تعليق غير معرف

en plus des journalistes incompétent mais vraiment comme ce journal d'essabah et ce journaliste qui traite monsieur mohamed talbi de tous les mots et de proche des agenda étrangère que talbi était le seul qui contre diser le pape et les cathos et que ce journaliste vient d'ouvrir sa bouche pour le traité d'athée ,un mohamed talbi qui est le trésors de tunisien libre penseur ,ses journalistes qui ne connaissent pas le mots journalisme (maniplulent les mots ,les images ,le cerveau de faible ,font honte à tous les tunisiens qui aime la liberté et leur choix d'un monde meilleur.