نحب نرجع اليوم للخبر اللي اصدرتوا "وكالة تونس افريقيا للانباء" TAP و اعلنت فية "...ان مجموعة من المواطين منعت اجتماع لحزب العمال..."
برشة ناس ما تعرفش او ما سمعتش اللي الحكومة المؤقتة ،اللي ما تملك حتى شرعية،سمّات علي بن نصيب رم ع متاع TAP في افريل...السيد هذا كان المدون "بيڨ تراب بوي" يسميه "الفقمة"...و كان قبل 14 جانفي من ابشع ابواق دعاية بن على هو و برهان بسيس...
و اليوم حل "ڨمتو" و سمّى مرتزقة المليشيات التجمعية و البوليس السياسي و المنحرفين و السلفيين...مواطنين
انا مانيش باش نقلو "اذا لم تستحي...."... لا ... باش نذكروا ان كل ما قالوا... باش يتحسب عليه... و باش يطالبوا الشعب التونسي بالفاتورة آجلا او عاجلا...
شوفوا يا قراء و اسمعوا (*) اش قال بوق الدعاية متاع بن علي ، علي بن نصيب 5 ايام قبل الثورة...
