نحب نحكيلكم اليوم على مثال من أمثلة التبلفيط و التدغيف اللي قاعدة تمارس فيه وسائل الإعلام الرسمية مع المواطن من أجل التمويه عليه... توه أربعة أيام و التلفزة(قناة 7 و قناة21) و الأذاعات الرسمية تحكيلنا على "المؤتمر الخارق للعادة" اللي قامت بيه "الجمعية التونسية للأمهات" متاع سعيدة العڨربي و عرفتها ليلة الطرابلسي... قالك "الجمعية" ولات "منظمة"... و باش يرجعوها إلى مهامها الأولى (معناها نمشي من توه نحضر الكاميرا و المصورة و نستناهم في الرڨاب و إلا في تالة...هاو قالك ولاو مع الثورة ...)
الكرة الأرضية الكل تعرف اللي هذه "المنظمة" من توابع التجمّع المنحل و بوق دعاية لزوجة الدكتاتور، و وكر متاع mic-mac مالي كبير...ما معنى أن تقوم مؤسسات تشتغل بأموال دافع الضرائب بحملة لتبييض وجوه مثل مدام رفيقة الخويني و جماعتها اللي كانوا كلهم في آخر هيئة متاع الجمعية و معروفين بمساندتهم للدكتاتورية.
هالمدام كانت إلى حدود البارح ... الرئيسة المساعدة للجمعية... و كانت صباحا مساء و يوم الأحد... تسبح بحمد سيدها بن علي و المصون مرتو : موش كانت البارح تنادي الله واحد الله واحد... بن علي ما كيفو حدّ... أش نوه... شاح و كركش؟
اسمعوها أش صرحت لصحيفة La Presse يوم 2 فيفري 2010 :
Mme Rafika Khouini, universitaire et vice-présidente de l’OTM « La femme au cœur du projet de société du Président Ben Ali » Ce n’est point un hasard si Mme Leïla ben ali épouse du Chef de l’Etat préside l’Organisation de la femme arabe pour la période 2009/2011. En effet, force est de constater que ce choix s’il exprime la considération pour la Première Dame de Tunisie compte tenu des efforts déployés en faveur de la promotion du statut de la femme et l’intégration des catégories vulnérables dans la société, sa participation active aux réunions du sommet de l’OFA, il traduit essentiellement l’hommage rendu au Président de la République et la reconnaissance d’avoir fait de la Tunisie un pays où la démocratie au quotidien s’articule autour de la relation: droits des femmes/ droit au travail. Cette symbiose s’inscrit logiquement dans la lignée «loi et éducation», le travail des femmes s’identifiant comme la conséquence immédiate de ces indicateurs relatifs à l’intégration de la femme dans le développement…
www.lapresse.tn/12042010/613/des-personnalites-feminines-temoignent.html ربط :
و جاية اليوم تسيب علينا في ريق الديمقراطية و الثورة ...
الحكاية المننحة هاذي ... حكاية بحّيمي...برشة بحّيمي...بالمليارات...و عقّارات... و خنّار كبير يحبو يغطّيو عليه...
يلزمنا نطالب حالا بمؤتمن عدلي و مراقبة مالية دقيقة...قبل حل هذا الهيكل...
