الاثنين، 3 مايو، 2010


Ce blog est censuré en Tunisie depuis le 30/4/2010

Pour y acceder, ajoutez 3w a l’adresse comme suit :

http://www.kissa-online.blogspot.com

نهار السبت 1 ماي 2010، عيد العمّال، إذاعة الشباب .الساعة 1 و 10 دقائق بعد نصف النهار.

مذيعة و معاها واحد تسمي فيه " دكتور محسن". شوفو كيفاش يحاول صنّاع الأيديولوجيا استغباء الناس...

هي ( المذيعة ): ...دكتور محسن ...شنية خصوصيات عالم العمل في تونس؟

الدكتور محسن : شوف...بالرغم من التطوّر....bla ..bla bla تبقى بلادنا رهينة ثقافة اجتماعية ما تقدّسش العمل...

هكّة باللهجة هاذي( قلت في نفسي ...امّاله شكون بنى هالقناطر و العمارات و الديار و الفيلات و المطارات و السبيطارات و الاوتيلات و شكون يمشي في المصانع ...؟...الجنون...؟ )

الدكتور محسن : bla…bla ... اليابانيين مثلا ما يخذوش عطل ( هاو جبد اسلحة الدمار الشامل...) تصوّر يا مدام... يحكي واحد من الأختصاصيين ( ما يسميهش... ) انو فمّا معمل في اليابان ( ما يقولش لا اسم المصنع و لا فين و لا وقتاش...) اتجبر باش يفرض عطلة على خدّامتو ( قمّة الشوطان...) و بعد ايّامات الخدّامة قلقو من الراحة... و حاولو باش يدخلو للمعمل من السور البراني متاع المعمل ( قمّة استغباء العباد...)

الدكتور ما قالش بالطبع شنوه استعملو العمال الجببنه باش يدخلو من السور...سلالم؟...حبال؟...



تعليق غير معرف

جببنه...جمع جابوني؟ MDR



تعليق khalil

la censure n'a pas l'air de tegener tu continue à ecrire bravo



تعليق غير معرف

الكلام إلي قالو السيد موش غالط يكفي أنك تعمل نظرة على تاريخ اليابان وعلى سبيل الذكر فقط تنجم تعمل طلة هوني :

http://www.lecavalierbleu.com/images/30/extrait_62.pdf


وتنجم تعمل بالمناسبة طلة هوني في جريدة ليبراسيون :

http://www.liberation.fr/economie/0101442733-japon-repos-obligatoire


وجبابنة يرتكزو إلى ثقافة أخرى مختلفة كليا على ثقافتنا إلي ترتكز على الجبابنة لكن جمع جبانة ودليلك ملك



تعليق bacchus

ذكرتني بالدكتور محسن متاع مصر وقصيدة أحمد فؤاد نجم
برافو قصة على العزم والمواصلة رغم الحجب



تعليق Hamadi

Le blog n'est pas/plus censuré, j'arrive à le lire.
Bon retour. Et inchallah pour les autres aussi.



تعليق kissa-online

@anonyme
صديقي الغير معرّف راك اتبلنتيت على طول...موضوع المدونة موش هالخبر المننح متاع الخدامة الجببنه و العطله..الموضوع هو صناعة و صنّاع الأيدولوجيا...الزوز روابط اللي باعثهملي يضحّكو ...توه هذا حد نيتك ...ليبراسيون ما زالت جريدة, ملّي تعدّى عليها jerome seydoux و كمّل شراها E. de Rothschild ولات بوق متاع الليبيرالية الجديدة . يظهرلي فيك مبهور باليابان العسكري متاع "zabaitsu" وين الخدّام قريب يفكولو نهار راحتو متاع يوم الأحد. ما تخافش هاي رجعت الأشكال العبودية متاع العمل كيما المناولة ...الشهر بمائة دينار ولا حماية ضد الحوادث و لا انتريت...سافا...و اذا كانك مغروم برشة بالليبيرالية اقرى françois bilger و milton friedman



تعليق kissa-online

@bacchus
شكرا على مرورك....الحجب و السنسرة ليس لهما مستقبل...اما الحرّية...فنعم و لذلك اواصل الكتابة



تعليق kissa-online

@hamadi
j'ai verifié.eh bien non le blog est toujours censuré...j'espere qu'ils me lacheront les baskets bientot



تعليق غير معرف

أولا أنا مانيش صديقك ولو انو يشرفني باش نكون صديق أي تونسي مثقف

ثانيا نستغرب منك أنك تدعي إلي التوانسة والعرب عموما خدامة ..صحيح إلي الشهرية على قدها لكن موش صحيح إلي هي السبب نحنا الربوبة متع البخل والتكركير

ثالثا لو كان جيت نعرف إلي الروابط باش تضحكك راني بعثتلك منهم طزينة ونكون هكا قدمت خدمة لانسان ديمة "عاطس"

رابعا إستعراض العضلات المعرفية ما يليقش بيك !. نقطة

خامسا أنا مانيش ليبرالي ولا علماني ولا تركماني أنا مواطن مثلي مثلك، فقط أحتلف معك في الرأي هل هذا سبب يفقدك أعصابك؟