الخميس، 3 يناير 2008


3 جانفي 1984. يوم ثلاثاء أغبر.

عشرات المسيرات الاحتجاجيّة المندّدة

بالترفيع في سعر الخبز تجوب مدينة تونس.

شاب في ربيع العمر.

شهيد الحريّة الفاضل ساسي يسقط تحت رصاص قنّاص. .



ثمّ يرتفع صوت الشّاعر الأزهر الضّاوي منشدا:


غنّيها يا شعبي الباسل للبحر اللي ما ينسى
غنّي قول دمّك يا فاضل فاح خميره في الخبزه
يا شهيد الخبزه رجعت
يا شهيد الخبزه ثور
طالعه من قبرك ورده
تنادي الشعب يجيك يزور
دمّي يا امّيمه وردي
صوّر خبزه عالكيّاص
علشعبي صدري لقّيتو
نقبوه البوب و الحرّاس
واللي قتلني انا ريتو
متخبي وسط البلاص
ينخز في ذراع العسّاسه
صبو فيّاغلو رصاص
دفنوني في ليله ظلمه
و جنازه ما فيها ناس
.......
بن غذاهم والدغباجي
كي تلاقو بين الوديان
يتماشوا و الدّم سواقي
من قبلّي لدندان
قالو هذا دم الفاضل
ساح و غطّى كل مكان
يصرخ وشاور عالخبزه
رفعوها رجال الديوان
ناري نا عالقمح الباجي
في مخازنكم يا رومان
........
راوي ها الوردة من دمّك
فاحت في هبّ النسمات
صارت ريحتها عند امّك
صاحت ما تقولوشي مات
لاش تقولو مات الفاضل؟
ماتقولوش الفاضل مات
الفاضل في قمحك يا سبولة
في الزيتونة في النخلات
فاضل معزوم على قفصة
نادول جبال الفسفاط
فاضل يا نوار اللوزة
فاتح في غريق القرّات
شعاع النّور في ليله دمسه
سربه في خلق البايات
ماشي واحد راجع خمسه
ساير في طريق الحياة
هو نايم توّه يصحى
كيف تناديلو الهزّات



تعليق غير معرف

يعطيك الصّحة انّك تذكرت الفاضل ساسي.شخصيّا مازال لليوم في ذاكرتي



تعليق brastos

حينما نهتف باسم الحرية..كيف ننســــى شهداءهــا؟



تعليق غير معرف

on dis que c le frere de l'acteur jamel sassi(haffa).c vrai?



تعليق غير معرف

فاضل في قمحك يا سبولة
في الزيتونة في النخلات
....التاريخ لا يدير بظهره مطلقا للاحرار
شكرا للمتعة



تعليق غير معرف

Je t'envois une invitation à publier ce post sur mémorial pour la mémoire de Fadhel



تعليق kissa-online

do it azwaw sans facon!



تعليق غير معرف

j'ai etudie avec ce garcon.c'etait quelqu'un d'epris de liberte.et d'une grande gentillesse.il ressemblait bcp a son frere l'acteur.



تعليق Hayy

"هو نايم توّه يصحى
كيف تناديلو الهزّات"
جــات هزات ورا هزات، لا هو قام و لا ناس غيرو صحـات
Très joli texte ya kissa



تعليق غير معرف

moi aussi j'ai etudie avec lui a sadiki c'etait un compagnon merveilleux et cultivé.allah yar7mou



تعليق saberayoub

Le martyre Fadhel Sassi figure marquante de la gauche estudiantine ds les debuts des annees 80 ,le domicile familiale sis a rue sidi ben arous ds la medina etait le lieu de rencontre de ses camarades et amis l hospitalite legendaire de khalti 7biba et 3am Salah qui recevaient a bras ouvert les amis de leurs enfants soit pour la revision des cours ou pour prepaparer les manifestations et tracts c etait un lieu de rencontre pour toute une generation tout ceux qui ont vecu cette belle periode ne devraient pas lesiner a rendre visite aux parents du martyre de la liberte .