الاثنين، 28 فيفري، 2011


استدعيت مع المدام يوم ألأحد 27 فيفري 2011 من طرف لجنة حماية الثورة بمدينة واد الليل و حضرت اجتماعا ثم مسيرة في المدينة. قام المواطنون منذ مدّة باقتلاع لوحات شارع 7 نوفمبر. وقاموا يوم المسيرة بتعويضها بلوحات رخامية للاسم الجديد للشارع :

شارع ثورة 14 جانفي 2011





















البارح على قناة " نسمة " التلفزية اللي هي على ملك طارق بن عمّار و سلفيو برلسكوني أطل علينا عمر صحابو الصحفي...و حل فينا فتريّة...يمجّد و يكدّس في الباجي قايد السبسي...و فجأة قال "...و الأن و قد أتّخذ القرار..." "يلزمنا...bla bla bla "

يا عم الراجل اش كون نادالك انت و الا الباجي قائد السبسي ؟ اش كون زفرلكم؟...شكون أتخذ القرار ؟...أنت؟ المبزع؟ سفارة فرنسا؟ حكيم القروي؟الهادي البكوش؟مرجان؟الوذرني؟ بقايا العائلة المفيوزية؟الغرياني؟ هاذم الكل ما يكسابوش واحد من مليون من مشروعية محمد العيوني القادم من مدينة الرڤاب و المعتصم بالقصبة و الا اي إمرأة او راجل يطالب برحيل كامل زمرة بن علي .فهمت ؟ كابيش ؟ … pigé ? claro ?

خلال الحصة بدى صحابو يملّخ و يحطّ "...الراجل(يعني قائد السبسي)...مثقف...و نظيف...." يا عمر صحابو... راهو صاحبك شد الأمن من 1962 الى 1970...و راهو محمد بن جنات و رشيد بللونة و محمد صالح فليس و خميس الشماري و سكان برج علي رايس و الوردنين و غيرهم عشرات مازالو أحياء و يمكنلهم باش يشهدو على التعذيب في وزارة الدّاخلية و في دهاليز برج الرومي في المدة هذه.

واللي كمّل طلّعلي الدم لرأسي ان سي صحابو ختم واحدة من جمل التملق متاعو و أشار ان "قائد السبسي" "...ولد فاميلية..."..." ايّا... يا صحابو...اش قولك تمشي ت..."...برّه سيّب هالريق في بقعة اخرى...و امشي شوف خدمة أخرى...و اذا كان ما عجبكش DEGAGE






البارح الأحد 27 فيفري مشيت لمدينة " واد الليل" المجاورة لتونس العاصمة...استدعاوني اصدقاء و رفاق من اللجنة المحلية لحماية الثورة.

الصورة هاذي متاع صاحبي محمّد...."حمّة".... هو ولد من اولاد هالمدينة...تلميذ في التعليم الأبتدائي....حفّلها...يرفع في الشعارات...صوت " حمّة " قد عشرة....



السبت، 26 فيفري، 2011




































الخميس، 24 فيفري، 2011



" ديڨاج...ديڨاج... ديڨاج يا وحوش...الدكتاتور فهمنا...و انتوما ما فهمتوش "

الشعب التونسي من بنزرت لتطاوين يرفع هذا الشعار...

و مسؤولين البريد التونسي ما زالوا بحكم ولائهم لمحمد الغنوشي في سبات عميق

و يبيعو في الطوابع البريدية متاع مؤتمر الأمتياز متاع RCD

يا مواطنين ارفضوا الطوابع اللي فيها صورة الدكتاتور و افرضوا على البوسطة انها تبدلها





براعم تونس تساهم في اعتصام القصبة :