الأربعاء، 3 أغسطس 2011




قناة "حنبعل" التونسية مواصلة في نهجها المعادي للثورة...بعد التلميح...هاي جات للصحيح...بعد الومضات اللي قتلتنا بالضحك متاع المناشدين لباعث القناة...هاي بدات التقنبيل في الحملة 2 من هذه الومضات الركيكة اللي تفكرنا بعهد الدكتاتورية النوفمبرية...

الومضات الجديدة مركزة على الأحزاب : "...احنا شيء ما رينا من الثورة...الأحزاب؟ ما نعرفوا منها حد...الأحزاب جات باش تاخو بايها من الكعكة...وين كانوا ايام بن علي ؟" ...

ثورة مضادة... أنا مانيش نستعمل في اللغة الخشبية...هاذي قناة اصحابها اصهار الخامجة ليلة الطرابلسي...عيات تمجد و تبندر لبن علي الى آخر يوم...مولاها و اولادو ناشدوا بن علي باش يترشح ل2014..منشطيها غرقوا في الطحين للنظام لعناكشهم...و جايين اليوم يتقو...ا علينا...ومسميين ارواحهم " صوت الشعب " (الاسم هاذا متاع "البوكت" من 1986 حقوا حمة الهمامي يرفع فيكم قضية)...

قالك ،اليوم 3 اوت، القناة باش ترجع حصة "الصراحة راحة" متاع هاك الشايط ... ايّا طلعوا بشكون باش تبدى القناة ؟........ برهان بسيس.... كيف قلت اللي "حنبعل" معادية للثورة ماهوش كلام بالصعيب...

هاذي اول عملية واضحة متاع تبييض وجوه عافنة خامجة جاية من زمن العسف و التعذيب و الترهيب و الاستبداد تحب حنبعل تسوّقها في ثوب جديد...التجمعي سمير الوافي(*)(**)(***)... يستجوب في بوق "جلاد الشعب" بالضبط كما يقول المثل الإيطالي :

il bue che dice cornuto all’asino...



تعليق رامي

يبدو ان الحصة وقع ارجائها



تعليق غير معرف

eske tu sais kissa que borhene 9offa etait fonctionnaire de SOTETEL avec un salaire de 3000 dinars et jonglait avec des milliers de dollars de ATCE pour placer des articles pro-ben ali



تعليق kissa-online

@anonyme
oui je le savais...le plus grave c'est le fait qu'un prof d'education civique puisse devenir haut cadre de SOTETEL et que le salaire de ce pourri continue a lui etre versé apres le 14/01.SOTETEL est filiale à 35 % de Tunisie telecom



تعليق غير معرف

le plus grave que cette chaine consacre aussi tout une émission aux islamistes et ennahtha en donnant une grande place à son créateur MOUROU le plus grand ami de ganouchi ,quand on dit que les hommes d'affaires adorent les dictateurs pour faire du peuple ce qu'ils veulent et une raison de plus pour pas voter ennahtha si le rcd avec des barbes.