الأربعاء، 22 يونيو 2011




بعد الجدل اللي صار في ما يخص افتتاح مهرجان قرطاج الصيفي من طرف "المناشد" لطفي بوشناق...صرّح وزير الثقافة لقناة تونس 7 اللي الحكاية الكل راهي مجرّد مقترح...

Mon œil يقولوا الفرنسيس...

أنا باش نكون ايجابي هاو نعطي مقترح لوزارة الثقافة باش تعملنا حفلة قمقومة يغنيوا فيها فنانين من اولاد الشعب الكريم ما غنواش في القصور... و ما ناشدوش الدكتاتور... و غناوا بوبلاش لاتحاد الطلبة و لرابطة حقوق الإنسان و لاتحاد الشغل و عمادة المحامين ...و حفات ساقيهم في المظاهرات...و كلاتهم المزيرية...

- فرقة البحث الموسيقي

- بندير مان

- رضا الشمك

- الجنرال

- فرقة جدل

- امال الحمروني و خميس البحري

- ياسر الجرادي

- اجراس

- لبنة نعمان

- الحمائم البيض

- بديعة

- اغاني الحياة

- ماك شوكان

أنا متأكد اللي الحويرة مناشدين اللي لابدين في وزارة الثقافة(ر.ب.ع +م.ر.ف...) و اللي اختاروا زميلهم في المناشدة باش يتفجعوا عند قراءة هذه القائمة...لاكن يلزمهم ينسوا definitely افتتاح بحفلة بوشناق .



تعليق غير معرف

kissa c'est la troisième fois que tu écrit pour parler de concert de cartage ,j'aurais aimer que tu parle des gens qui ne peuvent pas aller à cartage parce qu'ils n'ont pas le prix d'une baguette .merci ,je sais que tu la déjà fait mais il ne faut pas aller là ou il nous ramène ,il détourne nos regard des vrais problèmes.merci encore