السبت، 12 مارس 2011



زهير الحياوي مدوّن الحرّية من أوّل المدونين التونسيين اللي مارسوا حقّهم كمواطنين في اعلام حرّ على الأنترنات. ساهم في تأسيس مجموعة "تكريز" ثم اسّس موقع "تونيزين" و كان يكتب فيه تحت اسم "التونسي" من "بوبلينات"(مركز انترنات عمومي) في مدينة بن عروس. كان ينشر في المعلومات حول التحركات الديمقراطية و كل ما يقع من قمع في تونس...هو اول من نشر رسالة القاضي اليحياوي الى بن علي.

وقع اكتشاف هويتو و اوقفوه في جوان 2002. و تحكم بسنتين سجن...عانى المرّ في سجن برج الرومي بين المرض و التعذيب.... اطلق النظام سراحو في نوفمبر 2003...

اتذكر ان الرابطة التونسية لحقوق الأنسان احتفلت بيه بعد اسبوع من خروجو من السجن...كان خجول... صوت رخيم...يتكلم بهدؤء و ثبات...

شفتو مرتين من بعد...كان يداوي...اسنانو...القلب... و في يوم 13 مارس 2005 توفى بنوبة قلبية

دفن في يوم ربيعي...في مقبرة سيدي مصباح (اليسمينات بن عروس)...شيعتو الأصدقاء و الأهل...مع حضور بوليسي فضيع...كان نظام بن علي خايف من زهير حتى في يوم دفينتو...جات كلاب العسة من كل مكان...سلامة امن الدولة(جنيح ،بن ڨبيلة)..."ارشاد" بن عروس...شعبة "سان جاك"...يطلو من فتحات حيط المقبرة كيف الجرابع و يصورو بالكميرا.



تعليق brahim

il est de mon quartier il etait zen,allah yar7mou