الأربعاء، 9 مارس 2011


اليوم نهار أزرق على ازلام و اتباع نظام بن علي ... حزبهم "العظيم" التجمّع خذاه في ك... أنا مانيش باش نعزيهم...ريح السد يدي ما يرد...و قاعد نستنى في النهار متاع محاكمة هالمرتزقة...

كان اليوم نهار مشهود في قصر العدالة بتونس...توافدت الناس من 8 صباح لحضور التصريح بحلّ عصابة المفسدين اللي كانت تسمي نفسها RCD ...ناس ترقص و نساء تزغرد...طلبة و محامين و عملة و موظفين و بطالة...نساء و رجال...شباب و شياب...من تونس و منزل تميم و الحامة و الرديف..."جرابة صافي" QUOI ?

ريحة "البورج" و الا "البيديبي" و الا التجديد... ما ثماش...

و من بعد طلعنا للقصبة عملنا طاروح...ثم رجعنا قدام قصر العدالة كملنا اللمة...

ما احلاه شعب تونس!!!