الأربعاء، 2 فبراير 2011



البارح في الليل عطاتني قناة " نسمة " فرصة ان نشوف مباشرة صورة الشخص اللي يشرف على العصابات المسلّحة (bop,bis,big,bat… ) اللي تفشخ في التوانسة في الشارع منذ 23 سنة...عرفت البارح واحد من الوجوة اللي تسببت لي في طريحة و خطتت للهجوم على معتصمي بطحاء القصبة بتونس يوم الجمعة 28 جانفي 2011...موش لازم نعطي الأسم متاع هالملازم لاني متأكد انو اسم مستعار...حبيت بركه نأكد ان صاحب فضائية "نسمة" بعد ما غطس حتى للعنكوش مع نظام بن علي... ولّى في رمشة عين من المدافعين على الديمقراطيّة...زايد...بلاطة...عاملين مسرحية وجابولها فريق تلفزي يصور...في حي 5 شنيدر بالقرب من الكرم...كرهبة متاع فرقة BAT ...يوقف عون يرفع رشّاش …sig sauer 551 على وجهو passe-montagne و راديو hf يخشخش...فلم متاع MBC action...و فجأة يخرجو المواطنين يبوسو و يزغرطو...توه على شكون تحبو هالمسرحية تنطلي ؟...و في جرّة هالروبرطاج العظيم ... صبّوعلينا وابل غزير من القصف المدفعي ... المصالحة...المصالحة...المصالحة...3 من الناس قعدين بحذايا تطرشقو بالضحك...

اسمع mon capitaine….

تحب الشعب التونسي يتصالح معاكم ؟

1- غدوة الصباح في الثمانية... حلّو البوليس السياسي o.k

2- كل واحد من الفرق اللي تشرف عليها...و اللي عذب مواطن و الا قتل او جرح مواطن... القي عليه القبض و ابعثو لاقرب قاضي تحقيق...

وقتها توه تشوف عدد التوانسة اللي باش يجيو قدام بيروك يتصالحو معاك...

En attendant…l’operation « seduction » de Nessma et de la police s’est soldée par un beau flop…



تعليق sanaa

bravo kissa nessma un role louche!elle roule pour qui