الأحد، 28 ديسمبر 2008


بماأنّ المجرابين بدات مرافقهم تهمز فيهم هاي تدوينتي الأولى حول الطابور الخامس...

كلمة الطابور الخامس هي في الأصل تسمية عطاها الجنرال فرانكو الفاشي اللي حكم اسبانيا

من 1938 الى 1975 ، لطابور الحرب البسيكولجية اللي كان يستعمل فيه ضد الجمهورية الأسبانية.

و من بعد استعمل الكلمة هاذي في 1940 فيلق الجيش الألماني abwehr (هنا).

بعبارة اوضح الطابور هذا تستعملو الجيوش المحتلّة و الأنظمة الفاشية و الكليانية باش تحارب أي مقاومة

تقوم ضد هاك الأحتلال و الا النظام المستبد. و هالطابور ينجم ينتميلو المفتي والصحفي و الأديب و الأمام و الشاعر...

هوما من سمّاهم paul nizan بكلمة معبّرة : les chiens de garde . الناس هاذم وظيفتهم الدفاع المستميت

على اسيادهم. البارح قلت اني كنت تكلمت عليهم و سميتهم "جماعة القحب المريش متاع اسرائيل"(هنا).

المحتلّين في كل الفترات التاريخيّة لقاو شكون يدافع عليهم من اهالي البلاد اللي احتلّوها.

مثلا شارلكان وقتلّي غزى تونس في 1535 لقى الزنوس المايلة متاع ابو الحسن الحفصي خدم بيهم حتى عام 1572

الأمريكا ن جنّدوا bao dai و nguyen kao ki زوز رهوط دافعوا في الفيتنام على امريكا حتّى اخر دقيقة.

في جنوب لبنان انطوان لحد خدم اسيادو الصهاينة و هرب بجلدو معاهم عام 2000. و غيرهم و غيرهم في نيكارغوا

و في الشيشان و افغانستان و العراق. الطابور هذا قلنا انو وظيفتو محاربة كل مقاومة

في الفيتنام مثلا جبهة فياتمنه سمّاوها "فياتكونغ" معناها "الشيوعيين" باش يشوهو صورة المقاومة الوطنية

اللي كانو فيها حتى البوذيين.

في تونس و الجزاير و المغرب هالحوثاله متاع الطابور الخامس سمّاو المقاومة "فلاقة"( قطّاع طرق).

في العراق أي واحد يقاوم الأحتلال "قاعدة". و في فلسطين المقاومة ولات الكلها "حماس". و في افغانستان

الكلهم "طلبان".

ناخذو فلسطين مثلا. المخابرات الصهيونية تباشر مراقبة مئات المواقع على الأنترنات و المنظمات المتخصصة

في "الحصبارة"( كلمة عبرية تعني الدعاية)(هنا مثلا). و تخدّم في ناس عرب فلسطنيين و لبنانيين و مصاروه

و توانسه....( خالد ابو طعمه، وليد شعبات، توفيق حميد، و اللبنانية بريجيت جبرائيل....).

توه يا ناس ما زال واحد ما يعرفش اللي memri منظومة يسير فيها الموساد؟ من مدة شفت فلم اسمو

“ radical islam’s war against the west” يختصر المقاومة ضد اللأحتلال في العراق و فلسطين و افغانستان

في حرب يقومو بيها جماعة مكشطين و بولحية ضد حضارة الغرب. كيف بحثت لقيت ان مدرسة متاع حاخامات

هي اللي انتجت الفلم : yeshiva aish ha torah

النّاس متاع هالطابور الخامس هاذم في بلدانهم عمرهم ما يتهجمو على فلسطين ديراكت...يضرب المقاومة خوه على بوه و هو زعمه زعمه يسب في الخوانجية. قلّو اش قولك في احتلال افغانستان ؟ ....ما يجاوبكش و يحللك مستوج على طلبان...

اش قولك يا سيد في احتلال العراق؟ ...يجبدلك قازيق قد ربّي على ابن تيمية.. تي روح...انت و ابن تيمية !

ما زالو كان هالمتزلفين ازلام اسرائيل يدافعوا على هالكيان العنصري و الأستعماري. و الغالبية من هم يخدمو في هالخدمة بلوشي هكّاكة لله في سبيل الله...قحب مريش.



تعليق ART.ticuler

لقد وضعت النقاط على الحروف كأحسن ما يكون..شكرا..
الطابور الخامس أكثر خطرا من العدو..استغرب، كلما مات فلسطيني نتوجه باللوم إلى المقاومة وننسى إسرائيل؟؟؟؟



تعليق غير معرف

لقد رفعت الغم عن قلبي بهذا النص
شكرا



تعليق FREE-RACE

هههه ...
بلوشي...
كي يبدا بلوشي آش يسموه ؟
مريّش ؟ هههه
يتولاك يا قصة...



تعليق غير معرف

nsit 7aj'okhra, finnhom quand tonton saddem massacre les kurdes et les chiites?

Finnhom quand taliben renverse le pouvoir et le prends par la force d'autres islamiste plus modéré légitimement au pouvoir.

tawwa wallew ramz al moqawama!!!!!



تعليق kissa-online

@anonyme
je me fous eperdument de qui peut etre l'opposant à une occupation etrangere talibans ou des algonquins ou des martiens
l'essentiel c'est de ne pas etre du cote de l'oppresseur qu'il soit local ou etranger



تعليق ART.ticuler

yar7om fomek ya kissa